كوبەيتۇزداعى وقيعا: قوعام بەلسەندىسى قورشاعان ورتانى قورعاۋعا ۇندەيتىن پيكەت وتكىزدى
نۇر-سۇلتان. قازاقپارات - بەلگىلى قوعام بەلسەندىسى اسەم ومار قوعامنىڭ نازارىن قورشاعان ورتانى قورعاۋعا اۋدارۋ ماقساتىندا «ايالا-اياما» اتتى پيكەت وتكىزدى، دەپ حابارلايدى قازاقپارات.
ەكولوگتىڭ پىكىرىنشە ءبىر ءارىپتىڭ ءوزى الەمدى وزگەرتە الادى.
«سۋى قىزعىلت ءتۇستى كوبەيتۇزدا كولىكتىڭ ءىزىن قالدىرىپ، تۇزدى قازىپ العاننان كەيىن شۇڭقىر بوپ قالدى. بۇل قايعىلى جاعداي. بالكىم ءبىز تۇتاس الەمدى وزگەرتە المايتىن شىعارمىز، ءبىراق ەكولوگيالىق مادەنيەت، ەكولوگيالىق ءبىلىمدى كوتەرۋدى جانە تۇرعاندارىمىز بەن جاقىندارىمىزدىڭ تاربيەسىن وزىمىزدەن باستاي الامىز»، - دەيدى اسەم ومار.
پيكەت وتكىزۋ ارقىلى ەكوبەلسەندى حالىقتى تابيعاتتى ايالاۋعا شاقىردى.
«بۇگىن - ءبىلىم كۇنى. تابيعاتقا مەيىرىمدىلىك تانىتۋ مەن ونى قورعاۋ ماڭىزدى. بۇنىمەن تەك مۇعالىمدەر عانا ەمەس، اتا-انالار دا اينالىسۋى كەرەك»، - دەپ ءتۇيدى ءسوزىن ول.
