ساباقتان تىس سپورت ۇيىرمەسىن جۇرگىزگەن پەداگوگقا قوسىمشا اقى تولەنبەك

2020 -جىلعى سىن- قاتەرلەرگە بەرگەن سەنىمدى جاۋابى بولعانىن جانە ۇلتتىق ماقسات- مىندەتتەرگە قول جەتكىزۋ ءۇشىن مەملەكەتتىك ورگاندار قىزمەتىنىڭ نەگىزگى باعىتتارىن ايقىنداپ بەرگەنىن جەتكىزدى.

«مەملەكەت باسشىسى ءوز جولداۋىندا ەكونوميكا حالىقتىڭ الەۋمەتتىك جاعدايىن جاقسارتۋعا، قوعام سۇرانىسىن قاناعاتتاندىرۋعا باعىتتالۋى كەرەگىنە ەرەكشە نازار اۋداردى. سونىمەن قاتار پرەزيدەنت الەمدىك پاندەميا كوزقاراسىمىزعا ۇلكەن وزگەرىستەر ەنگىزگەنىن ايتتى. جولداۋدا مەملەكەت باسشىسى بۇقارالىق سپورتقا بايلانىستى ءبىرقاتار اتقارىلاتىن جۇمىس لەگىن پىسىقتاپ، قازىرگى جاعدايدا كاسىبي سپورت كلۋبتارىن مەملەكەت تاراپىنان قارجىلاندىرۋدىڭ قاجەتى جوعىن اشىپ كورسەتتى. ءبىز ءوز كەزەگىندە وڭىرلەردە سپورتتى دامىتۋ، بالالاردىڭ شىعارماشىلىق الەۋەتىن ارتتىرۋ باعىتىندا كەشەندى شارالاردى جالعاستىرۋىمىز كەرەك. تەگىن سپورت سەكتسيالارىن اشۋ، مەكتەپ جانە ستۋدەنتتەر ليگاسىن قۇرۋ، مەكتەپتەردى سپورت قۇرال- جابدىقتارمەن قامتاماسىز ەتۋ سىندى ماڭىزدى ماسەلەلەردى شەشۋ ماقساتىندا 2020-2025 -جىلدار ارالىعىندا دەنە شىنىقتىرۋ مەن بۇقارالىق سپورتتى دامىتۋعا ارنالعان كەشەندى جوسپاردى ىسكە اسىرۋدىڭ ماڭىزى زور.

بۇل رەتتە، اتقارىلىپ جاتقان جۇمىستار دا ناتيجەسىن بەرىپ وتىر. ماسەلەن، وتكەن جىلى 11 بالالار مەن جاسوسپىرىمدەرگە ارنالعان سپورت مەكتەبى اشىلدى. جالپى رەسپۋبليكا اۋماعىندا 350 مىڭنان استام جاسوسپىرىمدى تاربيەلەپ جاتقان 477 سپورت مەكتەبى جۇمىس ىستەيدى. ال بۇل مەكەمەلەردە سەكسيالار تەگىن جۇرگىزىلەدى. بالانىڭ شىعارماشىلىق قابىلەتىن دامىتۋعا كەلەر بولساق، الداعى ۋاقىتتا وڭىرلەردە ۇلتتىق قولونەر ورتالىقتارى بوي كوتەرەدى. مىسالى، وسى باعىتتا جۇمىس ىستەپ كەلە جاتقان جامبىل وبلىسىنداعى «شاحرەستان» ورتالىعىن ايتار ەدىم. بۇل جەردە ۇلتتىق قولونەردى جانداندىرۋعا جاعداي جاسالىپ كەلەدى»، - دەدى اقتوتى رايىمقۇلوۆا.

سونىمەن قاتار مينيستر جولداۋدا مۇعالىمدەردىڭ جالاقىسىن ارتتىرۋ بويىنشا ءتيىستى جۇمىستار جۇرگىزىپ جاتقانىن تىلگە تيەك ەتتى.

«جولداۋدا پرەزيدەنت 2021 -جىلدىڭ 1 - قاڭتارىنان باستاپ مۇعالىمدەر جالاقىسىن 25 پايىزعا ارتتىرۋ جايلى تاپسىرما بەردى. 2020 -جىلى 1 - قاڭتاردان باستاپ مادەنيەت جانە سپورت سالاسىنداعى مامانداندىرىلعان مەكتەپ مەن كوللەدج قىزمەتكەرلەرىنىڭ جالاقىسى 2023 -جىلعا دەيىن جىل سايىن % 25 ۇلعاياتىن بولادى. سونىمەن قاتار مەملەكەتتىك ءبىلىم بەرۋ ۇيىمىنىڭ پەداگوگتارىنا ساباقتان تىس سپورت ساباقتارىن جۇرگىزگەنى ءۇشىن بازالىق لاۋازىمدىق جالاقىدان 100 پايىز مولشەرىندە قوسىمشا اقى ەنگىزۋ ماسەلەسى پىسىقتالىپ جاتىر. ازاماتتاردىڭ ساۋاتتىلىق دەڭگەيىن ارتتىرۋ ماقساتىندا ۇزدىكسىز ءبىلىم بەرۋ تۇجىرىمداماسىن ازىرلەۋ تاپسىرىلدى. بۇل باعىتتا مينيسترلىك بەيرەسمي ءبىلىم بەرۋدىڭ بالاما نۇسقالارىن ەنگىزۋ بويىنشا جۇمىس جۇرگىزىپ كەلەدى. سونىمەن قاتار www.mmura.kz پورتالىندا «ۇلاعاتتى ۇرپاق» مادەني- ءبىلىم بەرۋ پلاتفورماسى جۇمىس ىستەيدى، جوبا باسەكەگە قابىلەتتى كوپمادەنيەتتى تۇلعانى جانداندىرۋ ءۇشىن وقۋشىلاردىڭ مادەني- ادامگەرشىلىك قاسيەتتەرىن دامىتۋعا باعىتتالعان. جوبا شەڭبەرىندە مادەني اعارتۋدىڭ جاڭا فورماتى قۇرىلادى، وقۋشىلاردىڭ ەلدىڭ مادەني بايلىعى تۋرالى جالپى ءبىلىم دەڭگەيى ارتادى جانە كوركەمدىك تالعامىن دامىتادى، دارىندى وقۋشىلار ءۇشىن الەۋمەتتىك ليفت مۇمكىندىگى بەرىلەدى»، - دەدى مينيستر.

اۆتور: مارلان جيەمباي