ماحابباتى ەش سارقىلمايتىن ازاماتتىڭ حاتى
نۇر-سۇلتان. قازاقپارات - بىردە ءبىر پسيحولوگ Google ىزدەۋ جۇيەسىنە زەرتتەۋ جۇرگىزە وتىرىپ، «كاك ۋدەرجات مۋجچينۋ» دەگەن ءسوز تىركەسى ەڭ كوپ ىزدەلگەندەر قاتارىندا ەكەنىنە كوز جەتكىزەدى.
ياعني كوپشىلىك ايەل زاتى ءوز ەر ازاماتىن قالاي جىبەرىپ الماۋ كەرەگىن، قالاي ۇستاپ تۇرۋدى، ۋىسىنان شىعارماۋدى بىلگىسى كەلەدى. وعان نارازى بولعان پسيحولوگ اكە بۇل ويدىڭ دۇرىس ەمەسىن جەتكىزۋ ءۇشىن ءوز قىزىنا حات جازادى.
«بالام، سەندە ەشقاشان مۇنداي سۇراق تۋىندامايدى. سەنىڭ جالعىز عانا مىندەتىڭ جاقسى ادامنىڭ شەكسىز ماحابباتىنا لايىقتى بولۋ. وسىنداي سەنىمدى جۇرەگىڭنىڭ تۇكپىرىنە ساقتا. ومىرلىك جولىمىزدا جاقىنىڭنان ايىرىلۋ دا، «جوق» دەگەن جاۋاپ الۋ دا، ەگويستىك كوزقاراس تا كوپتەپ كەزدەسەدى، ءبىراق ولاردىڭ ءبىر دە بىرەۋى سەنىڭ وزىڭە دەگەن سەنىمدىلىگىڭە كولەڭكە تۇسىرمەسىن.
ەگەر سەن ەش كۇش سالماي- اق، وزدىگىڭنەن قادىرلى ەكەنىڭە سەنىمدى بولساڭ، سەنى ءومىرىنىڭ سوڭىنا دەيىن قۇرمەتتەپ، بۇكىل عۇمىرىن كۇننەن كۇنگە ساعان عاشىق بولۋمەن وتكىزەتىن جىگىت ءوزى- اق كەزدەسەدى. بالاپانىم، سەنىڭ ادامىڭ سەن ونى ۇستاپ قالۋىڭ ءۇشىن ارەكەت ەتكەنىڭدى كۇتپەيدى، سەبەبى ول ءوزى- اق ءاردايىم سەنىڭ جانىڭنان تابىلعىسى كەپ تۇرادى.
ول گولف ويناي الا ما، ويناي الماي ما، ماعان ءبارىبىر، باستىسى ساعان جانە سەنىڭ وعان سىيلاعان بالالارىڭا ۋاقىتىن ارناپ، بىرگە ويناي السا بولدى.
ول قانشالىقتى ەر ادامعا لايىق ارەكەت ەتەتىنىندە شارۋام جوق، باستىسى سەنىڭ جۇرەگىڭدى جاۋلاپ الۋعا كۇشى جەتسە بولعانى.
سايلاۋدا كىمگە داۋىس بەرەتىنى دە مەنى قىزىقتىرمايدى، ۇيىندە جانە جۇرەگىنىڭ تورىندە ساعان قانداي ورىن بەرەتىنى ماڭىزدى.
ونىڭ تەرىسىنىڭ ءتۇسى دە ماڭىزدى ەمەس، ول سەنىڭ ءومىرىڭدى تۇسىنىستىك، توزىمدىلىك دەگەن ءتۇرلى تۇسكە بوياسا دا جەتىپ جاتىر.
ول قانداي سەنىممەن ءومىر سۇرسە دە ءبارىبىر، تەك سەنىڭ ءومىرىڭنىڭ ءار مينۋتىنا دەيىن قادىرلى ەكەنىن ۇعىنسا ەكەن دەيمىن.
ەڭ سوڭىندا ايتارىم مىناۋ، جارىعىم. ەگەر ءومىر جولىڭدا وسىنداي ەر ازاماتتى كەزىكتىرسەڭ جانە ونىڭ مەنىمەن ورتاق ەشتەڭەسى بولماسا دا، ول ەكەۋمىزگە ورتاق الەمدەگى ەڭ قىمباتتى ءبىر قۇندىلىق بولادى: ول - سەنسىڭ.
سوندىقتان ونى «ۋىسىڭنان شىعارماۋ» ءۇشىن بارۋىڭ كەرەك جالعىز جول - ءوز- وزىڭمەن بولۋ.
ساعان دەگەن ماحابباتى ەش سارقىلمايتىن ازامات
اكەڭ» .
massaget.kz
