شىعىس قازاقستاندا جىراعا ءتۇسىپ كەتكەن جىلقى قۇتقارىلدى
وسكەمەن. قازاقپارات - وسكەمەندە جىراعا قۇلاپ ءتۇسىپ، ارەڭ تىنىستاپ جاتقان جىلقى قۇتقارىلدى، دەپ حابارلايدى قازاقپارات ءتىلشىسى.
شىعىس قازاقستان وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 29-تامىز كۇنى قۇتقارۋشىلارعا حابارلاسقان جەرگىلىكتى تۇرعىندار جىرادان جىلقىنى شىعارۋعا كومەكتەسۋلەرىن سۇرادى.
«ولار وزدەرى جىلقىنى شىعارا الماي قويعان. ءتۇن كەزىندە ورعا ارقامەن قۇلاعان جانۋار ارەڭ تىنىستاپ جاتتى. وردىڭ تەرەڭدىگى 1 جارىم مەتردەي. ەگەر ءبىر ساعات كەشىكسە تىم كەش بولار ەدى، - دەپ حابارلادى ۆەدومستۆو وكىلدەرى.
قۇتقارۋشىلار ارقانمەن جىلقىنى شىعارۋعا كىرىستى. الايدا جىرا تار بولعاندىقتان، ونى كەڭەيتۋ كەرەك بولدى. 30 مينۋت ىشىندە جىلقى امان-ەسەن شىعارىلدى.
