قازاقستاننىڭ بىرنەشە وڭىرىندە اۋا رايى بۇزىلادى

29-تامىزدا اتىراۋ وبلىسىنىڭ باتىسىندا نايزاعاي، شىعىسىندا 36 گرادۋس قاتتى ىستىق كۇتىلەدى. كۇندىز كەي جەرلەردە توتەنشە ءورت قاۋپى ساقتالادى.

باتىس- قازاقستان وبلىسىنىڭ باتىسىندا، سولتۇستىك- باتىسىندا نايزاعاي، داۋىل كۇتىلەدى. كۇندىز جەل شىعىستان، وڭتۇستىك- شىعىستان سوعادى، كەي جەرلەردە 15-20 م/س.

ورالدا كۇندىز نايزاعاي كۇتىلەدى، جەل شىعىستان، وڭتۇستىك- شىعىستان سوعادى، ەكپىنى 18 م/س.

قاراعاندى وبلىسىنىڭ كەي جەرىندە تۇمان كۇتىلەدى. سولتۇستىك- شىعىستان، شىعىستان جەل سوعادى، كۇندىز 29-30-تامىزدا كەي جەرلەرىندە كۇشى 15-20 م/س كۇتىلەدى. وبلىستىڭ وڭتۇستىك- باتىسىندا توتەنشە ءورت قاۋپى ساقتالادى.

قىزىلوردا وبلىسىندا سولتۇستىك- شىعىستان جەل سوعادى، كۇشى كەي جەرلەردە 15-20 م/س كۇتىلەدى. كۇندىز توتەنشە ءورت قاۋپى ساقتالادى.