اقجارقىن تۇرلىبايعا سوتتالعانداردى بەرۋ شارتىن قولدانۋ قاراستىرىلىپ جاتىر – س ءى م

بۇعان دەيىن حابارلانعانداي، 2019 -جىلدىڭ 27 - جەلتوقسانىندا گۋاڭجوۋ قالاسىنىڭ حالىق سوتىندا ەسىرتكى كونترابانداسى ءۇشىن ايىپتالعان قازاقستاندىق اقجارقىن تۇرلىبايعا قاتىستى قىلمىستىق ءىس بويىنشا ۇكىم جاريالاندى. قىتاي سوتى ءومىر بويى باس بوستاندىعىنان ايىرۋ تۋرالى ۇكىمدى وزگەرىسسىز قالدىردى. قورعاۋشى تاراپ سوت ۇكىمىنە شاعىم جاسادى. الايدا، قوسىمشا تەرگەۋ ناتيجەلەرى بويىنشا سوت باستاپقى ۇكىمدى وزگەرىسسىز قالدىردى.

قولدا بار اقپاراتقا سايكەس، ا. تۇرلىباي كەلەسى ايدىڭ ىشىندە گۋاڭدۇڭ پروۆينتسياسى تۇرمەلەرىنىڭ بىرىنە اۋىستىرىلادى.

«قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى قازاقستان رەسپۋبليكاسى راتيفيكاتسيالاعان جانە 2015 -جىلى كۇشىنە ەنگەن سوتتالعان ادامداردى بەرۋ تۋرالى شارتقا سايكەس ا. تۇرلىبايعا قاتىستى ۇكىمدى ورىنداۋ ءۇشىن ق ح ر يۋريسديكسياسىنان ق ر- عا بەرۋدى قولدانۋعا بولادى. قازىرگى ۋاقىتتا قورعاۋشى تاراپ پەن سوتتالعان وتانداسىمىزدىڭ وتباسى ءبىزدىڭ ازاماتشانى قازاقستانعا بەرۋ ءراسىمىن قولدانۋىن قاراستىرۋدا. سوتتالعان ازاماتتى بەرۋ بويىنشا كەلىسسوزدەر ق ر باس پروكۋراتۋراسى مەن ق ح ر ۋاكىلەتتى ورگانى اراسىندا جۇرگىزىلەدى»، دەلىنگەن حابارلامادا.

مينيسترلىكتىڭ مالىمدەۋىنشە، ا. تۇرلىبايدىڭ ءىسى ق ر سىرتقى ىستەر مينيسترلىگىنىڭ تۇراقتى باقىلاۋىندا. «قورعاۋشى تاراپقا ا. تۇرلىبايدى قازاقستانعا بەرۋدىڭ ناقتى مەرزىمى بەلگىسىز، الايدا ءبىز ونى تەزىرەك قايتارۋعا مۇددەلىمىز»، دەلىنگەن حابارلامادا.