كۇندىز شامادان تىس ۇيىقتاعاننىڭ قاۋپى قانداي؟

قىتاي عالىمدارىنىڭ MedicalXpress پورتالىنا جاريالاعان عىلىمي زەرتتەۋىندە كۇندىز ءبىر ساعاتتان ارتىق ۇيىقتاعان ادامنىڭ دەنساۋلىعى كۇرت ناشارلايتىنى دالەلدەگەن. ياعني، كۇندىز كوپ ۇيىقتايتىن ادامداردىڭ جۇرەك- قان تامىرى اۋرۋلارىنا كوپ شالدىعاتىن كورىنەدى.

زەرتتەۋشىلەر كۇندىزگى ۇيقىنىڭ اعزاعا قانداي زيان كەلتىرەتىنىن زەرتتەۋ ءۇشىن 313651 ادامنىڭ دەنساۋلىعىن باقىلاۋعا العان. قاتىسۋشىلاردىڭ 39 پايىزى - كۇندىز ۇيىقتايتىندار.

باقىلاۋ بارىسىندا كۇندىز ۇيىقتايتىنداردىڭ ء(بىر ساعاتتان كوپ) 30 پايىزى ءتۇرلى اۋرۋلارعا، 34 پايىزى جۇرەك- قان تامىرى اۋرۋلارىنا شالدىققانى بەلگىلى بولعان. ال كۇندىز 6 ساعاتتان كوپ ۇيىقتاعانداردىڭ قان اينالىمى بۇزىلىپ، ءولىم قۇشۋ قاۋپى كوبەيەتىنى انىقتالدى.

عالىمداردىڭ ايتۋىنشا، جالپى كۇندىزگى ۇيقى ادامعا پايدالى، ءبىراق ءبىر ساعاتتان كەم بولعانى ءجون. مۇنداي قىسقا ۇيقى ادام دەنساۋلىعىنا وڭدى اسەر ەتەدى: مي تىنىعىپ، قان اينالىمى جاقسارادى، جۇرەك سوعىسى رەتتەلەدى. الايدا ءبىر ساعاتتان ۇزاق ۇيقىنىڭ ادام دەنساۋلىعىنا زيانى شاش ەتەكتەن: ادامنىڭ ءولىم قۇشۋ قاۋپىن 19 پايىزعا كوبەيتەدى.

تاعى ءبىر ايتا كەتەتىن نارسە - كۇندىزگى ۇيقى، اسىرەسە، ايەل ادامدارعا وتە قاۋىپتى. زەرتتەۋ ناتيجەسىندە كۇندىز كوپ ۇيىقتاعان ايەل ادامنىڭ دەنساۋلىعى كۇندىز مۇلدەم ۇيىقتاماعان ايەلگە قاراعاندا 22 پايىز ناشارلايتىنى انىقتالدى.

massaget.kz