ەلوردادا سالىنعان جەڭىل اتلەتيكا كەشەنىنىڭ ورتالىق ازيادا تەڭدەسى جوق
مۇندا عالامدىق دەڭگەيدەگى كەز كەلگەن جارىستى وتكىزۋگە مۇمكىندىك بار.
راۋان مىڭبايەۆ، ءتىلشى:
- جاڭادان سالىنعان جەڭىل اتلەتيكا مانەجى ەلورداداعى تۇران كوشەسىنىڭ بويىندا ورنالاسقان. تۇسىنىكتى بولۋ ءۇشىن ايتا كەتەيىك، بۇل باس شاھارداعى وزىندىك سپورت قالاشىعى. مۇندا كوپشىلىك جاقسى بىلەتىن استانا- ارەنا، سارىارقا، بارىس- ارەنا سىندى سپورت نىساندارى ورنالاسقان. ءبىز ايتىپ وتىرعان جەڭىل اتلەتيكا كەشەنى دە وسى جەردەن ورىن تەپتى. ونىڭ اتاۋى دا بەلگىلى. بۇدان بىلاي بۇل نىسان Qazaqstan جەڭىل اتلەتيكالىق سپورت كەشەنى دەپ اتالادى. جەڭىل اتلەتيكا كەشەنى كەلەر ايدا پايدالانۋعا بەرىلەدى. قازىر اۋماعىن اباتتاندىرۋ جۇمىسى ءجۇرىپ جاتىر. ماماندار بۇل نىساننىڭ ورتالىق ازيادا تەڭدەسسىز ەكەنىن ايتادى. 7 مىڭ كورەرمەن سىياتىن كەشەندە ەندى رەسپۋبليكالىق عانا ەمەس، جاھاندىق دەڭگەيدەگى جارىستار وتەدى.
سامات ەرعاليەۆ، قالالىق دەنە شىنىقتىرۋ جانە سپورت باسقارماسى باسشىسىنىڭ مىندەتىن اتقارۋشى:
- ورتالىق ازيادا جوق نىسان سالىنىپ جاتىر. جابىق مانەج. سول ەندى نۇر- سۇلتان قالاسىنىڭ سپورت باسقارماسىنا بەرىپ جاتاتىن بولسا، وسى سپورت كەشەنىندە قالانىڭ جەڭىل اتلەتيكا سپورتشىلارى سول جەردە ورنالاسادى. جانە ول ەلدەگى ەڭ ۇلكەن سپورت كەشەنى.
بۇدان بولەك ەلوردادا تاعى بىرنەشە نىسان جاڭارتىلدى. سونىڭ ءبىرى قايتا قالپىنا كەلتىرىلگەن «تولقىن» سپورت كەشەنى. وسى كۇنى كەلۋشىلەردى قابىلداۋعا دايىن. وندا نەگىزىنەن سۋ سپورتىنىڭ شەبەرلەرى دايىندالادى. جالپى باس قالادا سالاۋاتتى ءومىر سالتىن ۇستانۋشىلار كوپ. كەز كەلگەن سپورت ءتۇرىنىڭ دامۋىنا جايلى جاعداي جاسالعان.
سايرانبەك ءابىلقايىروۆ، ۇلتتىق كيوكۋشينكاي- كاراتە فەدەراتسياسىنىڭ ۆيتسە- پرەزيدەنتى:
- فەدەراتسيانىڭ باس جوسپارى كوللەدجدىڭ دەنە شىنىقتىرۋ فاكۋلتەت تۇلەكتەرىمەن جۇمىس جاساپ، ءبىزدىڭ سپورت ءتۇرىن دامىتۋ. بىلتىرعا قاراعاندا 7 مىڭ، بيىل 9 مىڭعا جەتىپ جاتىر. ءبىزدىڭ سپورتقا دەگەن ۇكىمەتتىڭ كوزقاراسىنىڭ جاقسارۋى. ا
يتا كەتەيىك، 2025 -جىلعا قاراي ەلدە بۇقارالىق سپورتپەن اينالىسۋشىلار ۇلەسى 40 پروتسەنتكە جەتۋى ءتيىس. بۇل مەجە بىلتىرعى مەملەكەت باسشىسىنىڭ جولداۋىنان كەيىن ايقىندالدى. جاۋاپتى ۆەدومستۆو قازاقستان سپورتىن دامىتۋعا ارنالعان كەشەندى جوسپار ازىرلەپ، سالا جۇمىسىن جاڭعىرتتى.
www.24.kz
