سولتۇستىك قازاقستان وبلىسىندا جۇزدەن استام ءتورت تۇلىك مال ايىپ تۇراعىنا قامالدى

ول قانداي ءتارتىپ؟ قايرات قوجاحمەت ۇلىنىڭ جىلقىلارى وسىمەن ەكىنشى رەت «ءتارتىپ بۇزىپ» وتىر. ونىڭ ءۇش بيەسى مەن تايى اۋىل شەتىندە وڭاشا وتتاپ جۇرگەن جەرىندە ۇستالدى. ەندى يەسى ايىپپۇل تولەيدى.

قايرات قوجاحمەت ۇلى، نوۆوميحايلوۆكا اۋىلىنىڭ تۇرعىنى:

- ولار ءبىزدى تانيدى. داۋىسىنان بىلەدى. تانيدى، انە. بۇگىن ۇيگە الىپ كەتەمىز. شترافتى تولەپ، ۇيگە الىپ كەتەمىز. ءيا، مال ءۇشىن بۇرىنعىداي كەڭ دالا جوق. مۇنان بىلاي بوس قويا المايسىز.

پوليتسەيلەردىڭ قۇرىعى ۇزىن. قاراۋسىز جايىلىپ جۇرگەندەرى وسىنداي قاشاعا قامالادى. ءبىر- ەكى كۇن جەم- ءشوبى تەگىن. ىزدەپ كەلمەسەڭىز اقشاسىن تولەيسىز.

ازامات كۇشىموۆ، شارۋاشىلىق بريگاديرى:

- قاراماي جۇرگەن مالدار ءبارىن مۇندا قامايمىز ءبىز ىشىنە. سوسىن ءبىزدىڭ چاستكوۆىيعا زۆاندايمىز. ايتامىز وسىنداي - وسىنداي جىلقىلار ءجۇر دەپ يلي ول بىزگە زۆاندايدى قاماڭدار دەپ. ءبىز ولاردى ءبارىن قامايمىز مۇندا.

وبلىس بويىنشا وسىنداي 54 ايىپ تۇراعى اشىلدى. مال ءۇشىن يەسى جاۋاپ بەرەدى. ولارعا 3 ايلىق ەسەپتىك كورسەتكىشى كولەمىندە ايىپپۇل سالىنادى.

پەتر كليموۆ، وبلىستىق پ د كريمينيالدىق پوليتسيا باسقارماسىنىڭ باستىعى:

- جاڭا ءتارتىپ جولداعى كولىك اپاتتارىنىڭ ازايۋىنا ىقپال ەتەدى. سونىمەن قاتار مال ۇرلىعىن تيۋعا سەپ بولادى. ويتكەنى قىلمىسكەرلەر قاشان دا قىراعى.

جاڭا ەرەجەنىڭ كۇشىنە ەنگەنىنە 10 كۇننەن ەندى استى. ازىرگە پوليتسەيلەر ەسكەرتۋ جاساپ جاتىر. ءبىراق ونى جارىقتىق جانۋار ءتۇسىنسىن با؟

www.24.kz