الماتىدا وتقا ورانعان كولىك پوليتسيا كولىگىنە سوعىلىپ، جۇرگىزۋشى مەرت بولدى

«بۇگىن ساعات 15:05 كەزىندە دۋلاتي كوشەسىمەن سولتۇستىك باعىتتا كەلە جاتقان «نيسسان پرەمەرا» اۆتوكولىگى ءال- فارابي داڭعىلى بويىندا تۇرعان پاترۋل كولىگىنە سوقتىعىسىپ، ارتىنشا شىعىس باعىتتا قوزعالىپ بارا جاتقان «مەرسەدەس» كولىگىنە سوعىلدى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.

سالدارىنان ەكيپاج قۇرامىنداعى پوليتسيا قىزمەتكەرلەرىنىڭ ءبىرى اۋىر جاراقات الىپ، جەدەل تۇردە №7 قالالىق كلينيكالىق اۋرۋحاناعا جەتكىزىلدى. «جانىپ جاتقان «نيسسان» كولىگىن ءورت سوندىرۋشىلەر ءوشىردى. تەكسەرۋ كەزىندە كولىكتەن جۇرگىزۋشىنىڭ دەنەسى تابىلدى. قازىرگى ۋاقىتتا ونىڭ كىم ەكەنى انىقتالىپ جاتىر» دەپ تولىقتىردى پوليتسيادان.

اۆتور: الما مۇقانوۆا