پيكاسسونىڭ كارتيناسىن بۇلدىرگەن تۇرعىن تۇرمەدە وتىرادى
نۇر-سۇلتان. قازاقپارات - لوندون تۇرعىنى پابلو پيكاسسونىڭ 1944 -جىلعى «ايەل ءمۇسىنى» اتتى كارتيناسىن بۇلدىرگەنى ءۇشىن ءبىر جارىم جىل تۇرمەدە وتىرادى.
بۇل تۋرالى قازاقپارات بي- بي-سي اگەنتتىگىنە سىلتەمە جاساپ حابارلايدى.
ۆاندال 2019 -جىلدىڭ 28-جەلتوقسانىندا لوندونداعى تەيت مودەرن گالەرەياسىنا قويىلعان كارتينانى بۇلدىرگەن. ەر ادام تانىمال سۋرەتشىنىڭ تۋىندىسىن باسپالى قۇلىپپەن بىرنەشە رەت ۇرعىلاپ، ودان كەيىن كارتينانى شەشىپ الىپ، جەرگە لاقتىرعان. بۇل وقيعادان كەيىن كورمە ۇيىمداستىرۋشىلارى تۋىندىنى كورسەتىلىمنەن الىپ تاستاۋعا ءماجبۇر بولدى.
كارتينانى بۇلدىرگەن 20 جاستاعى شاكيل مەسسي ايىپتالدى. ساراپشىلاردىڭ باعالاۋىنشا، ونەر تۋىندىسىنا كەلتىرىلگەن شىعىن كولەمى £20 ميلليون قۇراپ وتىر. ونى قالپىنا كەلتىرۋگە £350 جۇمسالىپ، 18 اي ۋاقىت قاجەت بولادى. پيكاسسو «ايەل ءمۇسىنىن» 1944 -جىلى، پاريجدە ناتسيستىك وككۋپاتسيانىڭ سوڭعى كۇندەرىندە سالىپ بىتىرگەن.
