ەلورداداعى بىرنەشە تۇرعىن الاپ بىرەر ايدا تابيعي گازعا قوسىلادى

بۇگىندە قۇبىر تارتۋ جۇمىستارى 85-90 پروتسەنتكە اياقتالعان. ماماندار تەحنيكالىق شارت قۇجاتىن تەزىرەك الىپ، ۇيلەرىنە گاز تارتۋعا نيەتتى تۇرعىنداردى بەلسەندى بولۋعا شاقىرادى.

ەلوردانى گازداندىرۋ جۇمىستارى قارقىندى جۇرگىزىلۋدە. قازىرگى تاڭدا تەمىرجولشىلار ىقشاماۋدانىندا كوشەارالىق قۇبىر تارتۋ جۇمىستارى تولىق اياقتالدى. وزگە اۋدانداردا جۇمىستار قىزىپ تۇر.

ناۋرىزبەك جانالايەۆ، مەردىگەر كومپانيانىڭ ۋچاستكە باسشىسى:

- ءبىز قازىر كوكتال-1، كوكتال-2، اگروقالاشىقتا جۇمىستار جۇرگىزىپ جاتىرمىز. گازعا قوسىلۋ ءۇشىن تۇرعىندار الدىمەن تەحنيكالىق شارت قۇجاتىن سوسىن پەش پەن گاز پليتا الۋى كەرەك. گازدى ءار ءۇيدىڭ قاسىنا تارتىپ، كران قويىپ بەرەمىز. ودان ءارى قاراي ۇيلەرىنە تۇرعىنداردىڭ ءوزى تارتىپ الادى. ەسەپتەگىش قۇرالىن اكىمدىك ءار ۇيگە تەگىن بەرەدى. ءۇيدى گازداندىرۋ ءۇشىن قاجەت تەحنيكالىق شارت قۇجاتتارىن بەرۋ 3 اپتا بۇرىن باستالدى. وسى ماقساتپەن ارنايى 3 كەڭسە اشىلدى. مۇندا «قاز ترانس گاز ايماق» ا ق وكىلدەرى ازاماتتاردى قابىلداپ، تۇرعىنداردى قىزىقتىرعان كەز كەلگەن ساۋالعا جاۋاپ بەرەدى.

ايدىن شايمەردەنوۆ، «قاز ترانس گاز ايماق» ا ق دەپارتامەنتىنىڭ مەنەدجەرى:

- قازىرگى تاڭدا گاز جۇرگىزۋ جۇمىسى كوكتال 1، كوكتال 2، اگروقالاشىقتا 85 پايىزعا جۇمىس ءبىتىپ جاتىر. كوشەگە گاز تارتىلىپ ءبىتتى. قازىر قىسىمىن تەكسەرىپ بولعاننان كەيىن حالىق تەحنيكالىق شارت العاننان كەيىن گاز بەرۋ جۇمىسى باستالادى. جانە دە پرومىشلەننىي، جەلەزنودوروجنىي بويىنشا ول جاقتا جۇمىس 90 پايىز ءبىتىپ تۇر. گازعا قوسىلۋعا قىزىعۋشىلىق تانىتقان حالىققا ايتارىمىز، بولاشاق 4/2، جامبىل جابايەۆ 12/2 مەكەنجايلارىنا كەلسەڭىزدەر، ءبىزدىڭ قىزمەتكەرلەر ءبارىن ءتۇسىندىرىپ ايتىپ بەرەدى.

ماماندار تۇرعىندارعا گازدى پايدالانۋ ەرەجەلەرىن دە ءتۇسىندىرىپ جاتىر. كوگىلدىر وتىن قولايلى بولعانىمەن، ەرەجە ساقتالماسا، قاۋىپتى سانالادى. بۇل - ارنايى داتچيك. قاۋىپسىزدىك ءۇشىن قاجەت. ۇيگە گاز تارتىلعان سوڭ مۇنى ورناتۋ مىندەت. ەگەر الدا-جالدا تۇنشىقتىرعىش گاز ءۇي ىشىنە تارالىپ جاتسا، دابىل قاعادى.