09:43, 27 - تامىز 2020 | GMT +5
قازاقستاندا پاراسپورت بويىنشا جاڭا ەكى فەدەراتسيا قۇرىلدى
نۇر-سۇلتان. قازاقپارات - قازاقستان رەسپۋبليكاسىنىڭ پاراليمپيادا كوميتەتى جاڭادان قۇرىلعان ەكى فەدەراتسيانى سپورتتىق فەدەراتسيالار رەتىندە تانىدى، دەپ حابارلايدى قازاقپارات.
«ق ر پاراليمپيادا كوميتەتى جازعى پاراليمپيادالىق ەمەس سپورت ءتۇرى «پاراكاراتەدەن» سپورت فەدەراتسياسى رەتىندە «پاراكاراتە فەدەراتسياسى» رەسپۋبليكالىق قوعامدىق بىرلەستىگىن جانە جازعى پاراليمپيادالىق سپورت ءتۇرى «پارا اتۋدان» (وق اتۋ) سپورت فەدەراتسياسى رەتىندە «قازاقستاندىق سپورتتىق اتۋ فەدەراتسياسى» قوعامدىق بىرلەستىگىن مويىندادى.
سپورتتىق فەدەراتسيا ماقۇلداۋعا يە بولعاننان كەيىن ءوز سپورت تۇرىنە ۇلتتىق پاراليمپيادا كوميتەتىندە وكىلدىك ەتەدى. سونىمەن قاتار سەرتيفيكات سپورت فەدەراتسيالارىنا مەملەكەتتىك اككرەديتاتسيانى الۋعا جانە ءوز سپورت تۇرلەرىن رەسپۋبليكالىق فەدەراتسيا رەتىندە دامىتۋعا مۇمكىندىك بەرەدى»، - دەلىنگەن پاراليمپيادا كوميتەتىنىڭ اقپاراتىندا.
