بەيسەنبى كۇنگى اۋا رايى بولجامى

اتموسفەرالىق فرونتالدى بولىكتەردىڭ وتۋىنە بايلانىستى جاڭبىرمەن بىرگە نايزاعاي كۇتىلەدى.

وڭتۇستىك پەن وڭتۇستىك-شىعىستا قاتتى جاڭبىر جاۋادى. رەسپۋبليكانىڭ باتىسىندا جانە سولتۇستىك-باتىسىندا اۋا رايى جاۋىن-شاشىنسىز بولادى.

جەكەلەگەن وڭىرلەردە تۇمان، جەلدىڭ كۇشەيۋى، داۋىل، بۇرشاق بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

الماتى، قاراعاندى، اقمولا وبلىستارىندا جەل كۇشەيىپ، جاڭبىر جاۋادى.

اتاپ ايتقاندا، الماتى وبلىسىنىڭ كەي جەرلەرىندە جەلدىڭ ەكپىنى 25 م/س كۇشەيەدى، كەي جەرلەردە بۇرشاق جاۋۋى ىقتيمال.

جامبىل وبلىسىندا نايزاعاي ويناپ، جەل 15-20 م/س ارتادى. كەي جەرلەردە تۇمان، بۇرشاق كۇتىلەدى.

تۇركىستان وبلىسىنىڭ كەي جەرلەرىندە داۋىل، 15-20 م/س ەكپىندەگى جەل، بۇرشاق بولجانادى.

تۇندە جانە تاڭەرتەڭ قوستاناي، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان كۇتىلەدى.

كۇندىز شىعىس قازاقستان وبلىسىندا جەلدىڭ كۇشى 15-20 م/س كۇشەيەدى.

پاۆلودار، كۇندىز قاراعاندى ​​وبلىستارىنىڭ كەي جەرلەرىندە جەل 15-20 م/س كۇشەيەدى.

قاراعاندى ​​وبلىسىندا بۇرشاق جاۋۋى ىقتيمال. قىزىلوردا وبلىسىندا، تۇركىستان، اتىراۋ وبلىستارىنىڭ كەي جەرلەرىندە، جامبىل وبلىسىنىڭ باتىسىندا، باتىس قازاقستاننىڭ وڭتۇستىگىندە، قاراعاندى ​​وبلىسىنىڭ وڭتۇستىك-باتىسىندا توتەنشە ءورت قاۋپى كۇتىلەدى.