ايتىسكەر اقىن ەرجانات بايقاباي ۇلى قازاقتىڭ داڭقتى بالۋانى جاقسىلىق ۇشكەمپىروۆ تۋرالى كىتاپ جازىپ جاتقانىن ايتتى
«الدا جاقاڭنىڭ داتالى جەتپىس جىلدىعىنا وراي رومان جازىپ جاتىرمىن. ادام وزىنە قاتىستى جاقسى پىكىردى دە كوزى تىرىسىندە كورسە جاقسى ەدى. امال قانشا.. .»، - دەيدى اقىن ەرجانات بايقاباي.
ءتاڭىر شاراپاتىنان جارالعان، تۇلا بويىنا بابالاردىڭ ءور رۋحىنان كۇش العان، قاراعايدىڭ قارسى بىتكەن بۇتاعى - قارا قازاق بالاسىنىڭ سۇلتانى. قارا قارعا، قارا الا ۇيرەككە كۇش قىلسا، نامىسىن قايراق قىلعان قايران ەر جاقسىلىق اعا ۇشكەمپىر ۇلىنىڭ رۋحىنا ارنايمىن!
ايمادەت اعا، ەسىل ەر
انانىڭ قۇرساعىنان الا كەلگەن،
پاك نيەتىڭ ساقتالعان سانالى ەر ەڭ.
حان الدىندا حالقىڭنىڭ قامىن ويلاپ،
جاعاتسىماي جاقسى ءسوز اعا دەپ ەڭ.
قازاناما جازام دەپ كىم ويلاعان،
جالعان دۇنيە- اي قاس- قاعىم قازا دەگەن.. .
قار بۇزىپ، ءىز سالىپ ەڭ قازاناتشا،
قارسىلاستى تاقىمداپ قارا لاقشا.
اتى اڭىز بولسا دا بار الاشقا،
تاپ- تازا ەدى كوڭىلى بالاباقشا.
الاقانىن توسەيتىن اق كوڭىل ەد،
اسپاننان جۇلدىز اعىپ بارا جاتسا.
ارال تەڭىز، قارت كاسپي ەرىم دەدى،
جامبىل ەل جاسىن توكتى كوزىندەگى.
قايعىڭا تالاس وزەن تالماۋسىراپ،
ەرتىس، سەمەي ەرىم دەپ ەڭىرەدى.
كۇن مەن اي، جۇلدىز، شولپان توقتاۋ ايتتى،
كوك تۋ جىلاپ قازاقتىڭ كوگىندەگى.
ەر ەدىڭ ەلدى سۇيگەن، ەلدە سۇيگەن،
ەسىمى وشپەس ادامدار زەردەسىنەن.
نە ولەم، نە جەڭەم دەپ بەلدەسىپ ەڭ،
نامىس تۋىن كوتەرىپ تورلەتىپ ەڭ.
بوزكىلەمدە جونىڭ بار سۇرىنبەيتىن،
بوتايدىڭ قونىسىندا ەرجەتىپ ەڭ.
ەڭبەگىڭدى بۇلداماي ەلگە سىڭگەن،
بۇرالقى ءيىت كورىنبەيتىن ءور كوشىڭنەن.
قادام سايىن تىلەيتىن جاقسىلىق ەڭ،
جاماندىق جويىلسىن دەپ جەر بەتىنەن.
تامىز تامباي سونگەن- اي كەۋدەسىنەن،
قىرىق كۇننىڭ الدىندا كەزدەسىپ ەم.
ومىردە از ناعىز كىسى، سىيلى ادامدار،
ولار قايتسا تۋ ءتۇسىر، تۋ قاداڭدار.
سونىڭ ءبىرى الەمنىڭ جاقسىلىعى،
ومىرىنە ءۇڭىلىپ شىن قاراڭدار.
اۋلاڭدا ارسىلداعان يتىڭە تاق،
«حالىق قاھارمان» مەدالىن قىيماعاندار.
ازالى كۇن شوگەرىپ اق اتاندى،
ءسىز كەتكەندە كوپ ءسوندى دالا شامى
ءداس قالدى جورگەگىندە كوز جۇمۋعا،
الەمدەگى جاقسىلىق، پاك اتاۋلى.
اعا سىزگە سىيلادىم ەسكەرتكىش قىپ.. .
ءوزىڭىز كوپ قارايتىن الاتاۋدى.
ارمانىڭدى اقساتپاي جولدا قالعان،
سۇرىنبەس ءسىز تۋرالى جورعا قالام. د
ەپ ەدىڭ «جەتپىسىمدى تويلا بالام»،
ناردان قالعان بوتاداي بوزداپ الام.
كەڭ دۇنيەنى سىيدىرىپ كەۋدەسىنە،
كەڭ سايعا جاتادى دەپ ويلاماعام.
تىرىڭدە تاباقتاس كىم، قاباقتاس كىم،
تۇڭىلىگىن اشىپ بەردىڭ تاڭى اتپاستىڭ.
ارامدىقتىڭ قاقپانىن باسپايىن دەپ،
ارىستانداي ءىزىڭدى ساناپ باستىڭ.
جاقسىلىقتاي ۇل تۋماس دەگىم كەلىپ،
تۋسا تۋار ارتىلماس - قازاقشا ايتتىم.
