قازاقستاندا ەكى تۇرمە جابىلادى

بۇل تۋرالى قازاقپارات ق ر ءى ءى م قاج كوميتەتىنە سىلتەمە جاساپ حابارلايدى.

«بەلگىلى بولعانداي، سوڭعى ونجىلدىقتا قازاقستاندا تۇرمەگە قامالعاندار سانى ەكى ەسەدەن كوپ ازايعان. وسىعان بايلانىستى، ءبىز ەڭ ەسكى، ساۋلەت جانە تەحنيكا جاعىنان ەسكىرگەن اباقتىلاردى بىرتىندەپ جابۋ بويىنشا جۇمىستاردى جۇرگىزىپ جۇرگەنىمىزگە بىرنەشە جىل بولدى. مىسالى، بىلتىر ءتورت مەكەمە جابىلدى. نەگىزىنەن وبلىس ورتالىقتارىنان الىس ورنالاسقان مەكەمەلەر جابىلۋدا، سەبەبى ونداعى سوتتالۋشىلاردى جۇمىسقا تۇرعىزىپ، قىزمەتكەرلەردى جۇمىسقا الۋ ماسەلەلەرى كۇردەلى. ۇنەمدەلگەن قارجى باسقا پەنيتەنسيارلىق مەكەمەلەردى ماتەريالدىق- تەحنيكالىق جاعىنان نىعايتۋعا باعىتتالادى»، - دەپ اتاپ ءوتتى ءى ءى م ق ا ج كوميتەتى ءتوراعاسىنىڭ م. ا ەسقالي سالاماتوۆ.

كوميتەتتىڭ حابارلاۋىنشا، جابىلىپ وتىرعان مەكەمەلەردىڭ قىزمەتكەرلەرى جۇمىسىن ۆەدومستۆونىڭ باسقا بولىمشەلەرىندە جالعاستىرادى. ال ونداعى سوتتالۋشىلارعا كەلەتىن بولساق، ولار كوممۋنالدىق- تەحنيكالىق جاعدايى جاقسى وسىعان ۇقساس جاقىن مەكەمەلەرگە بىرتىندەپ كوشىرىلەدى. سونداي- اق، زاڭناما تالاپتارىنا سايكەس، مەكەمە باسشىلىعى سوتتالۋشىنىڭ جازاسىن وتەۋ ورنىنا كەلۋى جونىندە ونىڭ ەڭ جاقىن تۋىستارى نەمەسە زاڭدى وكىلدەرىنە ۋاقىتىلى، جازباشا ۇلگىدە ەسكەرتۋ جىبەرەدى.

اۆتور: زارينا تۋعانبايەۆا