سودىرلار بوسقىنداردىڭ كەيپىندە شەكارادان وتكەن: اتىراۋ گارنيزونىنىڭ وقۋ-جاتتىعۋلارى
اتىراۋ. قازاقپارات - وقۋ-جاتتىعۋلار كەزىندە اتىراۋ گارنيزونىنىڭ اسكەري قىزمەتشىلەرى «قاراباتان» وقۋ پوليگونىندا زاڭسىز قارۋلى توپتاردىڭ ەنۋ تۋرالى شارتتى ارەكەتتەرىن توقتاتتى، دەپ حابارلايدى قازاقپارات ق ر قورعانىس مينيسترلىگى اتىراۋ گارنيزونىنىڭ باسپا ءسوز قىزمەتىنە سىلتەمە جاساپ.
جاتتىعۋلاردىڭ جوسپارىنا سايكەس، سودىرلاردىڭ شاعىن توپتارى بوسقىنداردىڭ كەيپىندە شارتتى شەكارادان ءوتىپ، ەلىمىزدىڭ اۋماعىنا باسىپ كىرگەن بولاتىن. ولاردى ىزدەپ تابۋ جانە جويۋ ءۇشىن اتىراۋ گ ارنيزونى اسكەري بولىمدەرىنىڭ ءبىرىنىڭ اسكەري قىزمەتشىلەرى تارتىلدى.
«روتالاردىڭ ارنايى- تاكتيكالىق جاتتىعۋلارى بارىسىندا بولىمشەلەردىڭ ءبىرى شارتتى جاۋ كەيپىندە ارەكەت ەتتى. جاتتىعۋ بارىسىندا بولىمشەلەردىڭ تاكتيكالىق ءىس- قيمىلدارىنا، جاۋىنگەرلىك جانە اتىس باقىلاۋىندا قارۋدى شەبەر جانە ءتيىمدى قولدانۋعا، سونداي- اق قاۋىپسىزدىك شارالارىن قاتاڭ ساقتاۋعا باستى نازار اۋدارىلدى. جاتتىعۋلاردىڭ ناتيجەلەرى بويىنشا جەكە قۇرامنىڭ دايىندىعى «جاقسى» دەپ باعالاندى»، - دەدى اسكەري ءبولىمنىڭ شتاب باستىعى مايور جالعاس راحمعاليەۆ. جاتتىعۋلاردىڭ ناتيجەلەرى بويىنشا كاپيتان نۇربەك ايتقالييەۆتىڭ باسقارۋىنداعى بولىمشەلەر بارىنشا ۇيلەسىمدىلىك تانىتتى.
«جاتتىعۋ بارىسىندا ءبىز جەكە قۇرامعا، اسكەري تەحنيكا مەن قارۋ-جاراققا ارنالعان دالالىق باسپانا مەن جاسىرىنۋ ورىندارىن جابدىقتاۋ، كەدەرگىلەر مەن توسقاۋىلداردى ۇيىمداستىرۋ، سونداي-اق مەديتسينالىق كومەك كورسەتۋ مەن جارالىلاردى ەۆاكۋاتسيالاۋ بويىنشا ءىس-شارالاردى وتكىزۋدە شەبەرلىگىمىزدى ارتتىرا الدىق. مەن وفيتسەرلەر مەن سەرجانتتاردىڭ بىرلەسكەن جانە ۇيلەسىمدى جۇمىسىنىڭ ارقاسىندا جەكە قۇرام وزدەرىن جاقسى جاعىنان كورسەتكەنىنە وتە قۋانىشتىمىن»، - دەدى كوماندير. وقۋ-جاتتىعۋعا بارلىعى 200 گە جۋىق اسكەري قىزمەتكەر تارتىلدى. 20 دان استام اسكەري جانە ارنايى تەحنيكا جۇمىلدىرىلدى.
