تۇركىستان وبلىسىندا جولاۋشىلار اۆتوبۋسى اۋدارىلىپ كەتتى

«الماتى- سارىاعاش» باعىتىمەن كەلە جاتقان «Yutong» ماركالى جولاۋشىلار اۆتوبۋسىنىڭ جۇرگىزۋشىسى كولىكتى باسقارا الماي، جولدىڭ جيەگىنە شىعىپ، جانىمەن قۇلاعان. اۆتوبۋس سالونىندا 34 ادام، سونىڭ ىشىندە جەتى بالا بولعان. كولىك جانارمايى توگىلگەن جوق. جول- كولىك اپاتى سالدارىنان، ساعات 07:35-تەگى جاعداي بويىنشا، سايرام اۋدانىنىڭ ورتالىق اۋداندىق اۋرۋحاناسىنا 17 ادام جەتكىزىلدى، سونىڭ ىشىندە 6 ادام اۋرۋحاناعا جاتقىزىلدى، سونىڭ ىشىندە ەكەۋى - اۋىر جاعدايدا، اراسىندا بالالار جوق. قالعاندارى تەكسەرىلگەن سوڭ، ۇيلەرىنە جىبەرىلدى. قازا تاپقاندار جوق. وقيعا ورنىنا ت ج د، پوليتسيا جانە جەدەل مەديتسينالىق جاردەم بريگاداسىنىڭ قىزمەتكەرلەرى باردى.

اۆتور: زارينا تۋعانبايەۆا