ەۋروپادا كوروناۆيرۋستى قايتا جۇقتىرۋ جاعدايلارى تىركەلدى

نيدەرلاندتا يممۋنيتەتى تومەن ەگدە جاستاعى ەر ادام ۆيرۋستى ەكىنشى رەت جۇقتىرعانى انىقتالعان.

بۇل تۋرالى وسى ەلدىڭ ۇكىمەتىنە كەڭەس بەرەتىن ۆيرۋسولوگ ماريون كوپمانس NOS راديوسىنىڭ ەفيرىندە ايتتى.

ونىڭ ايتۋىنشا، ۆيرۋس گەنومىنىڭ زەرتتەۋى بۇل الدىڭعى جۇقتىرعان اۋرۋدىڭ سالدارى ەمەس، قايتا جۇعۋ جاعدايى ەكەنىن كورسەتكەن. بەلگياداعى ەكىنشى رەت كوروناۆيرۋس جۇقتىرعان پاتسيەنت العاش رەت COVID-19 ىندەتىنە ءۇش اي بۇرىن شالدىققان. ودان كەيىن ول اۋرۋىنان ايىعىپ شىققان بولاتىن.

بۇل تۋرالى ۆيرۋسولوگ مارك ۆان رانست VTM تەلەارناسىنا بەرگەن سۇحباتىندا حابارلادى.

ۆيرۋستىڭ ەكىنشى شتاممىندا 11 مۋتاتسيا انىقتالعان.

ەسكە سالا كەتەيىك، 24- تامىزدا گونكونگ ۋنيۆەرسيتەتىنىڭ عالىمدارى SARS- CoV-2 قايتا جۇقتىرۋدىڭ عىلىمي راستالعان العاشقى جاعدايى تۋرالى حابارلاعان بولاتىن. Worldometer حالىقارالىق ۆولونتەرلەر توبىنىڭ مالىمەتتەرىندە كورسەتىلگەندەي، 25- تامىزداعى جاعداي بويىنشا پاندەميا باستالعالى الەمدە 23,8 ميلليون ىندەتكە شالدىعۋ جاعدايى انىقتالعان.

817640 ادام ۆيرۋستان كوز جۇمعان. 16,3 ميلليوننان استام پاتسيەنت ساۋىعىپ شىققان.