الەمدەگى ەڭ قۋاتتى كامەرا
نۇر-سۇلتان. قازاقپارات - كامەراسىز ەلەستەتۋ مۇمكىن ەمەس. تەحنولوگيا جارىسىندا كومپانيالار ءبىرىنشى كەزەكتە كامەرانىڭ ساپاسى بويىنشا جارىسىپ كەلەدى.
الايدا الەمدەگى ەڭ قۋاتتى كامەرا ءبىزدىڭ سمارتفوندا نە كاسىبي فوتواپپاراتتا دەپ ويلاساڭىز قاتەلەسەسىز.
الەمدەگى ەڭ قۋاتتى فوتواپپارات چيليدەگى ۇلكەن سينوپتيكالىق باقىلاۋ تەلەسكوبىنا (LSST) ورناتىلعان. 3,2 گيگاپيكسەلدىك كامەرا 2022 -جىلى ىسكە قوسىلادى.
الپاۋىت كامەرانىڭ سالماعى - 3 توننا. عالىمدار كامەرانى 10 جىل جۇمىس ىستەيدى دەپ جوسپارلاپ وتىر. وسى ۋاقىت ىشىندە 800 گە جۋىق جوعارى ساپالى فوتو تۇسىرەدى ەكەن.
فەرمي اتىنداعى ۇلتتىق جىلدامداتۋ زەرتحاناسىنىڭ عالىمدارى جاساعان قۋاتتى كامەرا LSST تەلەسكوبىنىڭ «كوزىنە» اينالادى. اتالمىش كامەرانىڭ ارقاسىندا عالىمدار عالامشارداعى ءتۇرلى دەنەلەردىڭ ساپالى فوتوسىن الىپ، وزگە دە جۇلدىزداردى انىقتاۋعا مۇمكىندىك الادى.
سەرا- پاچون تاۋىندا ورنالاسقان وبسەرۆاتوريادا جۇمىسىن باستايتىن كامەرا ءار تۇندە وڭتۇستىك اسپان اياسىن سۋرەتكە تۇسىرەتىن بولادى. وسىنىڭ ارقاسىندا عالىمدار بۇعان دەيىن بولماعان جۇلدىزدار جۇيەسىنىڭ تولىق كارتاسىن جاساۋعا ۇمىتتەنىپ وتىر.
بۇعان قوسا قۋاتتى كامەرا اسپاندى ءارتۇرلى فيلتردە تۇسىرەتىن قابىلەتكە يە. كوزگە كورىنەتىن ءارى جاقىن ۋلتراكۇلگىن سپەكتردان باستاپ جاقىن ينفراقىزىل سپەكترعا دەيىن تۇسىرەدى. ال 3,2 گيگاپيكسەل بولاتىن كامەرانىڭ ءبىر فوتوسىن جۇكتەۋ ءۇشىن 1500 جوعارى ساپالى مونيتور قاجەت ەكەن.
massaget.kz
