جاڭا وقۋ جىلى: كەزەكشى سىنىپتارداعى دايىندىق قالاي ءجۇرىپ جاتىر

دەگەنمەن، اتا-انانىڭ تاڭداۋىنا قاراي، 1-4-سىنىپ وقۋشىلارى ءۇشىن مەكتەپتە كەزەكشى سىنىپتار بولادى. ءاليحان بوكەيحانوۆ اتىنداعى №76-مەكتەپ ليتسەيى دە جاڭا وقۋ جىلىنا دايىندالىپ جاتىر. وسى ورايدا مەكتەپ باسشىلىعى سانيتارلىق- ەپيدەميولوگيالىق تالاپتاردى ورىنداۋ مەن كەزەكشى كابينەتتەردىڭ دايىندىعى تۋرالى بايانداپ بەردى.

«باستاۋىش سىنىپتارعا كەزەكشى توپتاردا اتا-انانىڭ كەلىسىمى بويىنشا وقىتۋدى ۇيىمداستىرۋ رۇقسات ەتىلگەن. قازىرگى كەزدە مەكتەپتەگى باستاۋىش سىنىپتاعى وقۋشىلاردىڭ 453 ى، ياعني 60 پايىزعا دەيىنگىسى كەزەكشى سىنىپ توپتارىندا وقۋعا ءوتىنىش جازىپ وتىر. مەكتەپ كەزەكشى سىنىپتاردى قابىلداۋعا دا، قاشىقتان وقىتۋعا دا تولىق دايىن دەپ ايتۋعا بولادى»، - دەدى مەكتەپ ديرەكتورى ساپۋرا تولەكوۆا.

ونىڭ سوزىنە قاراعاندا، مەكتەپتە وقۋشىلار مەن ەرەسەكتەردىڭ قاۋىپسىزدىگىن قامتاماسىز ەتەتىن بارلىق سانيتارلىق شارالار قاراستىرىلدى. وسى ورايدا سانيتايزەرلەر، انيسەپتيكتەر، ءتۇرلى باكتەريالدى سابىندار، تەلوۆيزورلار، دەزينفەكسيالىق توسەنىشتەر ساتىپ الىندى.

«ماسكا مەن قولعاپتار بار. كەزەكشى توپتاردا وقۋشىلار سانى 15 تەن اسپاۋى كەرەك. سوندىقتان بارلىق كابينەتتەردەگى ورىندار تەك 15 بالاعا لايىقتالىپ دايىندالدى. مەكتەپتىڭ ىشىندەگى الەۋمەتتىك قاشىقتىقتى بالالار ۇمىتپاي ساقتاۋى ءۇشىن ارنايى بەلگىلەر قويىلدى. سونىمەن قاتار، مەكتەپكە كىرگىزۋ مەن شىعارىپ الۋدا ءارتۇرلى ەسىكتەر قاراستىرىلدى، ويتكەنى ۇزدىكسىز قابىلداۋ جۇرەدى. وقۋشىلار 15 مينۋتتىق ارالىقپەن قابىلدانادى، ياعني تاڭەرتەڭ ساعات 8:00-دە ءبىر سىنىپتىڭ 15 بالاسىن قابىلداۋ باستالسا، كەلەسى سىنىپتى 15 مينۋتتان كەيىن قابىلدايمىز. ساباقتاردىڭ اراسىنداعى ۇزىلىستەر دە ءار سىنىپقا ءارتۇرلى بەلگىلەنەدى. وسى ورايدا مەكتەپ دالىزىندە ءبىر ۋاقىتتا وقۋشىلار كوپتەپ شوعىرلانبايدى»، - دەدى مەكتەپ ديرەكتورى.

كەزەكشى سىنىپتارعا مۇعالىمدەردى ىرىكتەۋدىڭ ءتيىستى تالاپتارى ەسكەرىلگەن. بۇل تۇرعىدا ءمۇعالىمنىڭ كەلىسىمى بولۋى كەرەك. ودان كەيىن پەداگوگتىڭ جاسى نازارعا الىنادى، جاسى ۇلكەن ءارى سوزىلمالى اۋرۋ بار، دارىگەرلىك ەسەپتە تۇرعان مۇعالىمدەر كەزەكشى سىنىپتارعا ساباق بەرۋگە تارتىلمايدى.

«كەزەكشى سىنىپتار بولعان ۋاقىتتا ەرەسەكتەر سانىن بارىنشا ازايتامىز. تەك قانا پەداگوگتار، تازالىققا جاعداي جاسايتىن جۇمىسكەرلەر، سونداي- اق بالالاردىڭ قاۋىپسىزدىگىنە جاۋاپتى مۇعالىمدەر عانا بولادى. ءبىر سىنىپتا ءبىر ءمۇعالىم جۇمىس ىستەۋى كەرەك دەگەن قاعيدا ساقتالادى. كەزەكشى سىنىپتاردا تەك نەگىزگى پاندەر وقىتىلادى، قالعان پاندەر ونلاين فورماتتا قاشىقتان جۇرگىزىلەدى»، - دەدى س. تولەكوۆا.

تاڭەرتەڭ بالالاردى قابىلداپ الۋ مەكتەپتىڭ سىرتىنداعى قورشاۋدان ىسكە اسىرىلادى.

«بالادا دەنە قىزۋى انىقتالسا، بىردەن اتا-اناسىمەن قايتارىلادى. بالا مەكتەپتىڭ الدىنداعى ارنايى اراقاشىقتىق بەلگىلەرى ارقىلى كىرەدى. ساباق بارىسىندا بالادا دەنە قىزۋى، جوتەل بايقالسا، وندا ارنايى مەديتسينالىق كابينەت جانىنان وقشاۋلاۋ بولمەسى جابدىقتالعان. سول وقشاۋلاۋ بولمەسىندە بالا جەدەل جاردەم نەمەسە اتا-اناسى كەلگەنشە بولادى»، - دەدى ول.

اۆتور: رۋسلان عابباسوۆ