ا ق ش- تىڭ مەملەكەتتىك حاتشىسى تاياۋ شىعىسقا ساپارىن باستادى
تەل- اۆيۆ. قازاقپارات – ا ق ش- تىڭ مەملەكەتتىك حاتشىسى مايك پومپەو تاياۋ شىعىسقا بەس كۇندىك ساپارىن باستادى، دەپ حابارلايدى قازاقپارات ءال- جازيراعا سىلتەمە جاساپ.
دۇيسەنبىدە مايك پومپەو يزرايلگە كەلدى، بۇل - امەريكالىق مەملەكەتتىك حاتشىنىڭ تاياۋ شىعىسقا جاساعان العاشقى ساپارى. كەزدەسۋلەردىڭ نەگىزگى كۇن ءتارتىبى ءيزرايلدىڭ ب ا ءا- مەن قارىم- قاتىناسىن قالىپقا كەلتىرۋ، سونداي- اق باسقا اراب ەلدەرىن يزرايلمەن ديپلوماتيالىق قاتىناستار ورناتۋعا تارتۋ بولادى. تەل- اۆيۆ اۋەجايىنا ا ق ش تۋى بەينەلەنگەن ماسكا تاعىپ تۇسكەن پومپەو يزرايل پرەمەر- ءمينيسترى بينيامين نەتانياحۋمەن كەزدەسىپ، الداعى كۇندەرى سۋدان، باحرەين جانە ب ا ءا- گە بارۋى كەرەك. ۆاشينگتون مەن تەل- اۆيۆ يزرايل ايماقتىڭ باسقا ەلدەرىمەن، سونىڭ ىشىندە يرانعا قاتىستى ۇستانىمدارىن قولدايتىن ەلدەرمەن قارىم- قاتىناسىن قالىپقا كەلتىرە الادى دەپ ۇمىتتەنەدى.
«يەرۋساليمدە پومپەو مەن نەتانياحۋ يراننىڭ ىقپالىنا، سونداي- اق ءيزرايلدىڭ وڭىردەگى قارىم- قاتىناسىن ورناتۋعا جانە تەرەڭدەتۋگە بايلانىستى وڭىرلىك قاۋىپسىزدىك ماسەلەلەرىن تالقىلايدى»، دەدى ا ق ش مەملەكەتتىك دەپارتامەنتى.
ساپار بارىسىندا پومپەو پرەزيدەنت دونالد ترامپتىڭ اعا كەڭەسشىسى جانە كۇيەۋ بالاسى دجارەد كۋشنەرمەن بىرگە جۇرەدى. ەسكە سالا كەتەيىك، 13 -تامىزدا ب ا ءا مەن يزرايل جاقىن ارادا ەلدەر اراسىنداعى قارىم- قاتىناستى قالىپقا كەلتىرۋ تۋرالى كەلىسىمگە قول قويۋ نيەتى تۋرالى حابارلاعان بولاتىن. ا ق ش پرەزيدەنتى د. ترامپ كەلىسىمدى «ەكى ۇلكەن دوسىمىزدىڭ اراسىنداعى تاريحي بەيبىتشىلىك كەلىسىمى» دەپ باعا بەرىپ، «ۇلكەن سەرپىلىس» دەپ اتادى. پالەستينا اكىمشىلىگى كەلىسىمدى قابىلداماي، ب ا ءا- دەگى ەلشىسىن قايتارىپ الاتىنىن جاريالادى. بۇعان دەيىن تاياۋ شىعىس ەلدەرىنىڭ ىشىندە يزرايل تەك ەگيپەت جانە يوردانيامەن بەيبىت كەلىسىمدەرگە يە بولدى.
