قازاقستاننىڭ رەسەيمەن شەكارالاس اۋدانىندا حالىق سانى ازايىپ بارادى

سولاردىڭ ءبىرى اۋدان ورتالىعىنان 45 شاقىرىمدا جاتقان رازدەلنوە ەلدى مەكەنى. وندا 22 ءۇي، 40 شاقتى ادام قالعان.

بۇل اۋىلدىڭ ىرگەسى سوناۋ 1910 -جىلى قالانعان. ءبىر كەزدەرى دۇركىرەپ تۇرعان ەلدى مەكەندە حالىق مال باعىپ، ەگىنشىلىكپەن اينالىسقان. قايىڭدى ورمان قورشاپ تۇرعان جەردىڭ تابيعاتى ەرەكشە. ءبىراق جۇمىستىڭ جوقتىعى ادامداردىڭ جاپپاي كوشۋىنە سەبەپ بولدى. قازىر بۇل اۋىلدا تەك زەينەتكەرلەر قالعان. مەكتەپكە باراتىن بالا جوق.

الينا سۇلەيمەنوۆا، رازدەلنوە اۋىلىنىڭ بۇرىنعى تۇرعىنى:

- ولار نەگە حالىقتى ويلاماي ءبارىن بۇزىپ، ءبارىن الىپ كەتتى. حالىقتى ويلامايدى، حالىق قاشىپ جاتىر وسى ەلدەن، كوشىپ جاتىر. ولار ويلاسا ەلدى ساقتاۋ كەرەك، ەلگە كومەكتەسۋ كەرەك. حالىقپەن سويلەسۋ كەرەك. حالىقتىڭ جاعدايىن ءبىلىپ كومەكتەسسە باسقا ادامدار بولار ەدى وسى ەلدە.

گالينا سۇلەيمەنوۆا اۋىلدىڭ جايىن ايتىپ اكىمدىككە بارىپتى. ءبىراق قابىلداۋىنا الدىن الا جازىلماعان زەينەتكەرمەن كەزدەسۋدەن اۋدان اكىمى باس تارتقان. ونىڭ ۇستىنە پاندەميا كەزىندە بارلىق قابىلداۋلار ونلاين رەجيمىندە وتەدى. رازدەلنوە اۋىلىنا كورشى تۇرعان لەسنوە اۋىلىنىڭ دا وسى تەكتەس تاعدىرى بار.

بولات ورىمبايەۆ، لەسنوە مەكتەبى ديرەكتورىنىڭ ورىنباسارى:

- ءبىزدىڭ مەكتەپتە ءبىر كەزدەرى 300 وقۋشى بولدى. قازىر 40 بالا قالدى. مەن تۇراتىن كوشەدە بۇرىن 20 ءۇي بولدى. قازىر جالعىز مەنىڭ ءۇيىم قالدى. بىزدە دە مادەنيەت ءۇيىن، تۇرمىستىق قىزمەت كورسەتۋ ءۇيىن بۇزىپ اكەتتى. ەگەر مەكتەپتى جاباتىن بولسا ونىڭ دا عيماراتىن ساتىپ العاندار قيراتىپ تاستاي ما دەپ قورقامىن.

گالينا پەتروۆا رازدەلنوە اۋىلىندا قالعان جالعىز جۇمىسشى. الەۋمەتتىك قىزمەتكەر قاريالارعا جاردەمدەسەدى. جەرى شۇرايلى ولكەدەن كەتكىسى جوق.

گالينا پەتروۆا، رازدەلنوە اۋىلىنىڭ تۇرعىنى:

- اۋىلىمىز ۇلكەن وتە جاقسى ەدى. مەكتەپتەن باسقا دا عيماراتتار بۇزىلىپ كەتتى. ارينە ءىشىمىز اشيدى. اۋىلدىڭ جويىلىپ بارا جاتقانى وكىنىشتى. ءبىزدىڭ باراتىن جەرىمىز جوق. سوندىقتان مال باعىپ، كۇنىمىزدى كورىپ وتىرمىز. باسقا جاققا كوشەتىن بولساق مالدى كوپ ۇستاي المايمىز.

جەرگىلىكتى اتقارۋشى بيلىك وكىلدەرى مەكتەپ عيماراتىنىڭ زاڭ جۇزىندە ساتىلعانىن ايتادى. وقۋشىسى جوق مەكتەپتى ۇستاپ تۇرۋ ءبىلىم ءبولىمى ءۇشىن ءتيىمسىز.

ايگۇل مۋكۋشيەۆا، جەلەزينكا اۋدانى اكىمىنىڭ ورىنباسارى:

- مەكتەپ جابىلعاننان كەيىن ونىڭ بارلىق مۇلكى لەسنوە مەكتەبىنىڭ ەنشىسىنە بەرىلىپ، عيماراتى اۋكسيونعا ساتىلىمعا شىعارىلدى. 2018 -جىلدىڭ تامىز ايىندا جەكەمەنشىك قوجالىق يەسى ساتىپ الدى. قازىر مەكتەپ عيماراتى جەكە ادامنىڭ قولىندا. بۇگىنگى تاڭدا جەلەزينكا اۋدانى بويىنشا 29 مەكتەپ بار. ونىڭ 26-سى شاعىن جيناقتى. «اۋىل - ەل بەسىگى» باعدارلاماسى اياسىندا ولاردى ۇلكەن مەكتەپتەرگە بىرىكتىرۋ كوزدەلىپ وتىر. بۇعان وقۋشىلاردىڭ ازدىعى سەبەپ بولعان.

www.24.kz