فۋتبولدان ۇلتتار ليگاسى: قازاقستان العاشقى ويىنىن قايدا وتكىزەتىنى بەلگىلى بولدى

نۇر-سۇلتان. قازاقپارات - فۋتبولدان قازاقستان قۇراماسىنىڭ الداعى ۇلتتار ليگاسىنداعى العاشقى ويىنى قايدا وتەتىنى بەلگىلى بولدى، دەپ حابارلايدى قازاقپارات ءتىلشىسى.

بۇل كەزدەسۋ 4- قىركۇيەكتەن 5- قىركۇيەككە قاراعان ءتۇنى ليتۆا قۇراماسىنا قارسى وتەدى. ويىن ەلوردا ۋاقىتىمەن 01.00 دە ليتۆا استاناسى - ۆيلنيۋس قالاسىنداعى «جالگيريس» ستاديونىندا بولادى.

ستاديونعا 5 مىڭنان استام جانكۇيەر سىيادى. وندا ليتۆا قۇراماسى، «جالگيريس» جانە «تراكاي» كوماندالارى ويىن كورسەتەدى.

ايتا كەتەيىك، قازاقستان فۋتبولشىلارى C ليگاسىنىڭ ءتورتىنشى توبىندا باق سىنايدى. قارسىلاستارى - البانيا، بەلارۋس جانە ليتۆا قۇرامالارى.

ال اتالمىش تۋرنيردەگى ءوز الاڭىنداعى العاشقى ويىنىن 7- قىركۇيەكتە الماتى قالاسىندا وتكىزەدى.