فۋتزالدان قازاقستان چەمپيوناتى مارەسىنە جەتتى
بۇل شەشىم فەدەراتسيانىڭ اتقارۋشى كوميتەتىنىڭ وتىرىسىندا قابىلداندى. ەلىمىزدە سانيتاريالىق- ەپيدەميولوگيالىق كارانتين شارالارى جالعاسادى. سوندىقتان جابىق سپورت نىساندارىندا جارىس ۇيىمداستىرۋعا تىيىم سالىنعان.
ەندى فۋتزالدان UEFA چەمپيوندار ليگاسىنا الماتىنىڭ «قايرات» جانە اقتوبەنىڭ «اقتوبە» كوماندالارى قاتىسادى. رەسمي قابىلدانعان شەشىمگە سايكەس، چەمپيونات 2020 -جىلدىڭ 12 ناۋرىزىنداعى تۋرنيرلىك كەستەمەن اياقتالدى. سول ۋاقىتتا «قايرات» 44 ۇپايمەن كوش باسىندا كەلە جاتقان بولاتىن. ودان كەيىنگى ورىنداعى «اقتوبەنىڭ» 36 ۇپايى بار ەدى. بيىل چەمپيوناتقا بارلىعى 8 كوماندا قاتىستى. ولاردىڭ قاتارىندا «قايرات» پەن «اقتوبەدەن» وزگە رۋدنىيدىڭ «ايات»، تالدىقورعاننىڭ «جەتىسۋ»، اتىراۋدىڭ «اتىراۋ»، كوكشەتاۋدىڭ «وقجەتپەس»، اقتاۋدىڭ «كاسپي» جانە باتىس قازاقستان وبلىسىنىڭ «بايتەرەك» كلۋبتارى بار.
