قىتايلىق مامان كوروناۆيرۋسقا قارسى رەسەيلىك ۆاكسيناعا باعا بەردى

ساراپشى ۆاكسينانى كلينيكالىق سىناقتان وتكىزۋ ءساتتى وتەتىنە سەنىمدى ەكەنىن جەتكىزدى، - دەپ حابارلايدى Tengrinews.kz ءتىلشىسى.

«چجۋن نانشان ن. ف. گامالەي اتىنداعى ەپيدەميولوگيا جانە ميكروبيولوگيانى زەرتتەۋدىڭ ۇلتتىق ورتالىعى ازىرلەگەن پرەپاراتتى مەملەكەتتىك تىركەۋدىڭ اياقتالۋىمەن ەلىمىزدى قۇتتىقتادى»، - دەلىنگەن رەسەيدىڭ بەيجىڭدەگى ەلشىلىگىنىڭ حابارلاماسىندا.

قىتايلىق ساراپشى «رەسەيلىك ادەنوۆيرۋس ۆاكسيناسى قاۋىپسىز ەكەنىن جانە ول كلينيكالىق سىناقتان ءساتتى وتەتىنىنە سەنىمدى ەكەنىن» جەتكىزگەن.

سونىمەن قاتار، ساراپشى رەسەيلىك جانە قىتايلىق ماماندار كوروناۆيرۋسقا قارسى ۆاكسينانى ازىرلەۋگە بايلانىستى عىلىمي اسپەكتتەر بويىنشا سەرىكتەستىك ورناتقانىن ايتتى.

بۇعان دەيىن رەسەيدىڭ دەنساۋلىق ساقتاۋ مينيسترلىگى كوروناۆيرۋستىڭ الدىن الۋعا ارنالعان ءبىرىنشى ۆاكسينانى تىركەۋدەن وتكىزگەنى بەلگىلى بولدى. وعان «سپۋتنيك V» اتاۋى بەرىلگەن.

رەسەيدەن اتالعان ۆاكسينانىڭ ميلليارد دوزاسىن جەتكىزۋ ءۇشىن 20 دان اسا ەلدەن ءوتىنىش تۇسكەن.

گامالەي اتىنداعى ينستيتۋت وكىلدەرى رەسەيدە جاپپاي ۆاكسيناتسيالاۋ 2020-جىلدىڭ قازانىندا باستالاتىنىن مالىمدەدى. ۆاكسيناتسيامەن قاتار ونى كلينيكالىق سىناقتان وتكىزۋدىڭ ءۇشىنشى فازاسى جۇرگىزىلەدى. وعان جالپى 40 مىڭداي ادام قاتىسادى.