قازاقستاندىق شاحماتشىلار دۇنيەجۇزىلىك ونلاين وليمپياداعا قاتىسىپ جاتىر
ءبىزدىڭ سپورتشىلار 21-23- تامىز ارالىعىندا الەمدەگى ەڭ مىقتى كوماندالارمەن كۇش سىناسادى، دەپ حابارلايدى قازاقپارات قازاقستان شاحمات فەدەراتسياسىنا سىلتەمە جاساپ.
شىلدە ايىنىڭ ءبىرىنشى جارتىسىندا حالىقارالىق شاحمات فەدەراتسياسى (FIDE) تاريحتا تۇڭعىش رەت شاحماتتان دۇنيەجۇزىلىك وليمپيادانىڭ ونلاين فورماتتا وتكىزىلەتىنىن حابارلادى.
ويىندار 2020-جىلدىڭ 22- شىلدەسىنەن 30- تامىزىنا دەيىن وتەدى. ونلاين وليمپيادا 2020- فيدە ۇيىمىنا مۇشە ەلدەردىڭ ۇلتتىق قۇرامالارى اراسىنداعى جالپى كوماندالىق جارىس.
جارىس chess.com ويىن الاڭىندا ۇيىمداستىرىلادى جانە ەكى نەگىزگى كەزەڭنەن تۇرادى:
«ديۆيزيوندار» جانە «پلەي- وفف». وعان 163 ۇلتتىق قۇراما كوماندا جانە الەمنىڭ 1500 دەن استام ۇزدىك شاحماتشىسى قاتىسادى. ءار كوماندا قۇرامىندا التى نەگىزگى جانە التى رەزەرۆتىك ويىنشى، سونىمەن قاتار كوماندا كاپيتانىنان تۇرادى.
ءبىرىنشى قادامنان باستاپ ءار جۇرىسكە 15 مينۋت 5+ سەكۋند بەرىلەدى. نونا گاپرينداشۆيلي كۋبوگىنىڭ كورسەتكىشتەرىنە سايكەس، 2018-جىلى باتۋمي قالاسىندا وتكەن سوڭعى وليمپيادانىڭ ناتيجەسى بويىنشا، ونلاين وليمپيادانىڭ «جوعارعى ديۆيزيون» قاتارىنا الەمنىڭ 5 ۇزدىك ۇلتتىق قۇراماسى (ءۇندىستان، قىتاي، رەسەي، ۋكراينا، ا ق ش)، ءتورت كونتينەنتتەن 5 ۇمىتكەر كوماندا مەن ىرىكتەۋ كەزەڭىنەن وتكەن 15 كوماندا ەنگىزىلدى.
ازيانىڭ شاحمات فەدەراتسياسى قازاقستان قۇراماسىن جوعارعى ديۆيزيونعا ۇسىندى، بۇل توپتا ءبىزدىڭ شاحماتشىلار 21-23- تامىز ارالىعىندا الەمدەگى ەڭ مىقتى كوماندالارمەن كۇش سىناسادى.
جوعارى ديۆيزيوننىڭ 40 كومانداسى 4 توپقا ءبولىنىپ، ءارقايسىسىندا اينالما تۋرنيرى وتكىزىلەدى.
ءار توپتان ۇزدىك ۇشتىك: ىرىكتەۋ كەزەڭىنەن، شيرەك فينالدان، جارتىلاي فينالدان جانە فينالدان تۇراتىن پلەي-وفف كەزەڭىنە وتەدى.
ونلاين-وليمپياداعا قازاقستاننىڭ ەرلەر قۇراماسىنان حالىقارالىق گروسسمەيستەرلەر رينات جۇمابايەۆ، مۇرتاس قاجعالەيەۆ، رۋستام حۋسنۋتدينوۆ جانە انۋار يسماعامبەتوۆ، حالىقارالىق سپورت شەبەرى دەنيس ماحنيەۆ جانە فيدە شەبەرى رامازان جالماحانوۆ قاتىسادى.
ەلىمىزدىڭ ايەلدەر قۇراماسىنان حالىقارالىق ايەلدەر گروسسمەيستەرلەرى جانسايا ابدىمالىك، ءبيبىسارا اساۋبايەۆا، گۇلىسحان ناحبايەۆا جانە گۇلميرا داۋلەتوۆا، ايەلدەر اراسىنداعى حالىقارالىق سپورت شەبەرى اسەل سەرىكباي جانە ايەلدەر اراسىنداعى فيدە شەبەرى مەرۋەرت كاماليدەنوۆا قاتىسادى.
كوماندا كاپيتانى - حالىقارالىق گروسسمەيستەر پاۆەل كوتسۋر.
ء بىزدىڭ كوماندانىڭ ەڭ جاقىن قارسىلاستارى - ازەربايجان، ۆەنگريا، وڭتۇستىك افريكا رەسپۋبليكاسى، ۋكراينا، سلوۆاكيا، يسپانيا، نورۆەگيا، فرانسيا جانە نيدەرلاند.
جارىستىڭ ءبىرىنشى كۇنى، 21- تامىزدا قازاقستان قۇراماسى سلوۆاكيا، نيدەرلاند (توپ- گروسسمەيستەر انيش گيري جەتەكشىلىك ەتەتىن) جانە يسپانيا كوماندالارىنا قارسى وينايدى.
جارىستىڭ ترانسلياتسياسى تۋرنيردىڭ Olymp.FIDE.com ۆەب- سايتىندا، الەمنىڭ بارلىق تانىمال تىلدەرىندە جۇرگىزىلەدى.
