مەملەكەت باسشىسى ساردوباداعى جاعداي تۋرالى: ەڭ باستىسى - ادام شىعىنى بولعان جوق
پرەزيدەنت ساردوبا سۋ قويماسىنداعى اپاتتان زارداپ شەككەن تۇرعىندارمەن دە كەزدەستى. قاسىم-جومارت توقايەۆ اپات ايماعىنا ەلىمىزدىڭ ءار تۇكپىرىنەن مامانداردىڭ كەلىپ جۇمىس ىستەگەنىن ايتتى.
«جۇمىس ناتيجەسى جاقسى. قۇرىلىس اۋماعىن قاراپ شىقتىق. ەڭ باستى ايتا كەتەرلىگى، ادام شىعىنى بولعان جوق. قالعان ماسەلەلەردى قولىمىزدان كەلگەنىنشە شەشەمىز. ەشقانداي دا توسقاۋىل بولمايدى. وسى مۇمكىندىكتى پايدالانىپ قۇتقارۋشىلارعا، دارىگەرلەرگە ريزاشىلىعىمدى بىلدىرگىم كەلەدى. جاڭا قونىستارىڭىز قۇتتى بولسىن» ، - دەدى مەملەكەت باسشىسى تۇرعىندارمەن كەزدەسۋدە.
ايتا كەتەيىك، مەملەكەت باسشىسى كەشە جۇمىس ساپارىمەن تۇركىستان وبلىسىنا باردى. جۇمىس ساپارى بارىسىندا ق ر پرەزيدەنتى تۇركىستانداعى قوجا احمەت ياساۋي كەسەنەسىن ارالاپ، كۇمبەزدىڭ تاريحي كەلبەتىن ساقتاي وتىرىپ جۇرگىزىلگەن جاڭارتۋ جۇمىستارىنىڭ ناتيجەلەرىمەن تانىستى.
