قازاقستان جانە قازاقستاندىقتار تۋرالى ۇزدىك وقيعالار كونكۋرسى جاريالاندى

ق ر اقپارات جانە قوعامدىق دامۋ ءمينيسترى ايدا بالايەۆانىڭ ايتۋىنشا، بايقاۋ بارىنشا پايدالى ءارى كرەاتيۆتى.

«ۇيىمداستىرۋشىلار قازاقستاندىقتارعا ومىرلەرىندەگى ماڭىزدى ورىندار، وقيعالار، تاعدىرلارىنا زور ىقپال ەتكەن ادامدار تاريحى جايىندا اڭگىلەپ بەرۋدى ۇسىنادى. ءبىز قانداي قيىن ءارى قىزىقتى ءداۋىردى باستان كەشىرىپ جاتقانىمىزدى ەسكەرسەك، كوپشىلىگىمىزدە ساعىنىشپەن ەسكە الاتىن مۇنداي تاريحتىڭ بار ەكەندىگىنە سەنىمدىمىن. جانە دە ولار بەلگىلى ءبىر ادام تاعدىرىنىڭ وزگەرۋىنە ادامدار مەن وقيعالاردىڭ قاتىسى جايىندا عانا ەمەستىگى انىق»، - دەپ جازدى مينيستر Facebook -پاراقشاسىندا.

ونىڭ اتاپ وتۋىنشە، ۇزدىك تانىلعان وقيعالار جاڭا سەريالدىڭ ەپيزودىنا نەگىز بولادى. ال 50 اۆتور اقشالاي سىياقى الادى.

«كوپتەگەن قازاقستاندىق ءوز تاريحىمەن بولىسەتىندىگىنە جانە «حابار» تەك جەڭىمپازداردىڭ عانا ەمەس، باسقا دا قاتىسۋشىلاردىڭ دا حاتىن جاريالايدى دەپ ۇمىتتەنەمىن. ال ءبىز ولاردىڭ ەستەلىكتەرىن سۇيسىنە وقيتىن بولامىز. بارلىق قاتىسۋشىلارعا ساتتىلىك پەن شابىت تىلەيمىن»، - دەدى ايدا بالايەۆا.

بايقاۋعا بارلىق قازاقستاندىقتار قاتىسا الادى. قاتىسۋشى كىندىك وتانى تۋرالى، وزىنە وي سالاتىن، شابىت بەرەتىن، اسەر ەتەتىن، قۋانتاتىن ادام تۋرالى ايتىپ بەرۋى قاجەت. باستى شارت - وقيعا شىنايى، ال ونىڭ قاھارمانى كوزى ءتىرى قازاقستاندىق بولۋى كەرەك. تولىعىراق بايقاۋ سايتىنان تانىسۋعا بولادى.

اۆتور: مارلان جيەمباي