لۋكاشەنكو بەلارۋس پرەمەر-ءمينيسترىن تاعايىنداپ، ۇكىمەت قۇرامىن بەكىتتى
مينسك. بەلتا-قازاقپارات - بەلارۋس پرەزيدەنتى الەكساندر لۋكاشەنكو رومان گولوۆچەنكونى ۇلتتىق جينالىس وكىلدەرى پالاتاسىنىڭ كەلىسىمىمەن ەلدىڭ پرەمەر-ءمينيسترى ەتىپ تاعايىندادى، دەپ حابارلايدى قازاقپارات بەلتا اگەنتتىگىنە سىلتەمە جاساپ.
الەكساندر لۋكاشەنكو وسىنداي جارلىققا 19- تامىزدا قول قويدى. ونىڭ تاعى ءبىر جارلىعىمەن ۇكىمەت مۇشەلەرى تاعايىندالدى.
ەسكە سالا كەتسەك، 17- تامىزدا بەلارۋس ۇكىمەتى جاڭادان سايلانعان پرەزيدەنت الدىندا وتستاۆكاعا كەتكەن بولاتىن.