چەمپيوندار ليگاسى: «باۆاريا» فينالدا سىنعا تۇسەدى
بۇگىن گەرمانيانىڭ «باۆاريا» جانە فرانسيانىڭ «ليون» كوماندالارى كەزدەستى.
جانكۇيەرلەر جەڭىسكە نەمىس كلۋبى جەتەدى دەگەن بولجام جاساپ قويعان ەدى. تاجىريبەلى ۇجىمنىڭ قاتارىندا سانالاتىن «باۆاريا» بۇل جولى دا سىر بەرگەن جوق.
فرانسۋز فۋتبولشىلارى العاشقى مينۋتتاردا باسىمدىعىن بايقاتتى. ۋاقىت وتە كەلە نەمىس كومانداسى تىزگىندى ءوز قولىنا الدى.
«باۆاريا» ساپىنان جاس شابۋىلشى سەرج گنابري ەڭبەكقورلىعىمەن كوزگە ءتۇستى. ول 18 جانە 33-مينۋتتارىندا قوس گولدىڭ اۆتورى اتاندى.
ەكىنشى كەزەڭدە ويىن الما-كەزەك شابۋىلىمەن ءوربىدى. دەسە دە ەكى كوماندا تاراپىنان گول سوعاتىن كوپتەگەن مۇمكىندىكتەر بوسقا كەتتى. ويىننىڭ 88-مينۋتىندا «باۆاريا» شابۋىلشىسى روبەرت ليەۆاندوۆسكي كەزدەسۋدىڭ نۇكتەسىن قويدى.
وسىلايشا «باۆاريا» قارسىلاسىنان 3:0 ەسەبىمەن باسىم ءتۇستى. بۇدان بۇرىن فرانسيانىڭ «پاري سەن- جەرمەن» كومانداسى گەرمانيانىڭ «لەيپتسيگ» كلۋبىنان 3:0 ەسەبىمەن باسىم ءتۇستى.
وسىلايشا فرانسيالىق فۋتبولشىلار فينالعا جولداما الدى.
ايتا كەتەر بولساق، چەمپيوندار ليگاسىنىڭ شيرەك فينالىنان باستاپ قالعان بولىگى پورتۋگاليا استاناسى - ليسسابون قالاسىندا ءوتىپ جاتىر. ول سەگىزدىك فينالى فورماتىندا وينالۋدا. فينال 23- تامىزدا وتكىزىلەدى. وندا «باۆاريا» جانە «پاري سەن-جەرمەن» كوماندالارى سىنعا تۇسەدى.
