شەتەلدە دەمالعىسى كەلەتىن ەل ازاماتتارى ءۇشىن جاعىمدى جاڭالىق

ونداعى بيلىك پاندەميانىڭ سالدارىنان تۇرالاپ قالعان تۋريستىك سالانى، وسىلايشا، اياققا تۇرعىزباق. تۇركيا دا قاراپ وتىرعان جوق. الداعى قىركۇيەك ايىنان باستاپ شەكاراسىن اشىپ، شەتەلدىك دەمالۋشىلاردى قابىلداي باستاماق.

نۇرشاپاعات نەسىپبايەۆ، ءتىلشى:

- كارانتين جازعى دەمالىسىن قىزىقتى وتكىزۋدى ويلاعان قازاقستاندىقتاردىڭ ءبىراز جوسپارىن وزگەرتتى. جىل سايىن شەتەل ارالاۋدى ادەتكە اينالدىرعاندار بۇل جولى شەكارا اسا الماي قالدى. ەسەسىنە، ىشكى تۋريزمگە قان جۇگىرتىپ، قالاعا جاقىن ورنالاسقان دەمالىس ايماقتارىنا نازار اۋداردى.

يننا رەي، «تۋريستىك قامقور» قورىنىڭ ءتورايىمى:

- قازىر تۋريستەر ءۇشىن الاكول قىزىق بولىپ وتىر. وندا دەمالۋمەن قاتار دەنساۋلىقتى جاقسارتۋعا بولادى. اقتاۋ مەن الماتى ماڭايىنداعى تۋرلار جاندانادى دەپ ۇمىتتەنەمىز. بۇدان بولەك، جاڭا باعىتتاردى قاراستىرىپ جاتىرمىز. ماسەلەن، تۇركىستاندى مۇلدە جاڭا قىرىنان تانىتۋ جوسپاردا بار.

ەپيدەميولگيالىق احۋالدىڭ بىرتىندەپ تۇراقتالۋىنا بايلانىستى بىرنەشە مەملەكەت شەكاراسىن اشتى. قازاقستاندىق ساياحاتشىلاردىڭ الدى بىرىككەن اراب امىرلىكتەرىنە ۇشىپ تا كەتتى. «ازىرگە ولاردان شاعىم جوق» ، دەيدى تۋريستىك كومپانيا وكىلدەرى. ال، تۇركيا شەتەلدىك دەمالۋشىلاردى 1 -قىركۇيەكتەن باستاپ قابىلدايدى. سوڭعى دەرەك بويىنشا قازاقستاندىق كومپانيالار جىل باسىنان بەرى بۇل ەلگە 622 تۋريست جونەلتكەن. ولاردىڭ بارلىعى ەلگە امان- ەسەن ورالدى.

يننا رەي، تۋريستىك قامقور قورىنىڭ ءتورايىمى:

- بۇل كەزەڭدە، ياعني، كۇزدە قازاقستاندىقتاردىڭ تۇركياعا دەگەن قىزىعۋشىلىعى تومەندەيدى. سەبەبى، وندا دەمالاتىندار نەگىزىنەن بالالارىن وزدەرىمەن بىرگە الىپ جۇرەدى. جاقىندا ساباق باستالاتىنىن ەسكەرسەك، تۋريستەردىڭ سانى كوپ بولماۋى كەرەك. 10- قىركۇيەكتەن باستاپ مىسىرعا اۋە رەيستەرى اشىلادى. بولجام بويىنشا مۇندا قازان ايىنان باستاپ الەمنىڭ تۇكپىر- تۇكپىرىنەن دەمالۋشىلار كەلە باستايدى. سوندىقتان قوناق ۇيلەر تۋريستەر تارتۋ ءۇشىن جاڭا تارتىپپەن جۇمىس ىستەيدى.

يبراگيم حاشادا، قوناقۇيلەر جەلىسىنىڭ مەنەدجەرى:

- تۋريستەر مۇلدە جاڭا مىسىردى كورەدى. ەلدەگى ءار قوناقۇي كۇشتى باسەكەلەستىك جاعدايىندا جۇمىس ىستەۋگە دايىندالىپ جاتىر. بولمەلەردىڭ ديزاينىن وزگەرتۋ، جەڭىلدىكتەر ۇيىمداستىرۋ، ويىن- ساۋىق باعدارلاما ازىرلەۋ سياقتى قۇرالدار قولعا الىندى. ءبىر سوزبەن ايتقاندا، ساياحاتشىلاردىڭ بارلىعىنا ەڭ جوعارعى دەڭگەيدە قىزمەت كورسەتىلەدى.

حۋرگادا مەن شارم- ەل- شەيح الەم بويىنشا كوروناۆيرۋستان زارداپ شەككەن دەمالىس ايماقتارىنىڭ قاتارىندا. مىسىر ەكونوميكاسى ونداعان جىل بويى تۋريزمنەن تۇسەتىن تابىسقا قاراپ وتىرعانىن ەسكەرسەك، تۋريستىك ماۋسىمنىڭ جاڭا جىلعا دەيىن سوزىلۋى - جۇزدەگەن دەمالىس ورنىنا بەرىلگەن ەكىنشى مۇمكىندىك. «الايدا، نارىقتا باسەكەگە قابىلەتتىلەر عانا قالادى» ، دەيدى وسى سالانىڭ ماماندارى.

يبراگيم حاشادا، قوناق ۇيلەر جەلىسىنىڭ مەنەدجەرى:

- كوروناۆيرۋس سالاعا قاتتى اسەر ەتتى. ماۋسىمنىڭ سوزىلۋى بىرەۋدى قۇتاقارادى. ەكىنشى بىرەۋى كەرىسىنشە، جۇمىسىن توقتاتادى. قالاي بولعاندا دا، نارىقتا وسى ۋاقىتقا دەيىن جيناعان قورى جەتكىلىكتى ويىنشىلار عانا قالادى. مىسىرداعى دەمالىس ورىندارى قىركۇيەكتە اشىلعانىمەن، شەكتەۋ كوپ. بىرىنشىدەن، تۋريستەردىڭ مەديتسينالىق انىقتاماسى بولۋى ءتيىس. بۇدان بولەك، ولار قوناقۇي اۋماعىنان تىس جەردە ەمىن- ەركىن جۇرە المايدى. ايتپاقشى، شەتەلدەگى دەمالىس ورىندارىنا جولدامانى الدىن الا ساتىپ العاندارعا قاتىستى داۋ كوبەيىپ تۇر. وسىعان بايلانىستى قازىر ۇكىمەت دەڭگەيىندە تاراپتار اراسىنداعى جاۋاپكەرشىلىكتى رەتتەيتىن قۇجات ازىرلەنىپ جاتىر.

www.24.kz