اشىق پارتياىشىلىك سايلاۋ - ماڭىزدى مىندەتتەردى ورىنداۋعا سەرپىن بەرەدى - التاي كولگىنوۆ
ونىڭ سوزىنشە، بۇگىنگى تاڭدا پرايمەريزگە قاتىسۋعا 40 تان استام ازامات ءوتىنىش ءبىلدىردى، ولاردىڭ 9 ى ايەل، 20 سى 35 جاسقا دەيىنگى جاستار.
«ەلىمىزدىڭ ساياسي تاريحىندا تۇڭعىش رەت پرايمەريز رەسپۋبليكالىق پارتياىشىلىك سايلاۋ اۋقىمىندا وتەدى. 2019-جىلى «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا تۇڭعىش پرەزيدەنت - ەلباسى ۇسىنعان «سەنىم. ديالوگ. بولاشاققا نىق قادام» پارتيا جۇمىسىن جۇيەلى جاڭعىرتۋ باعدارلاماسى ىسكە قوسىلدى. باسىم باعىتتاردىڭ ءبىرى - «يادرولىق ەلەكتوراتتى» شوعىرلاندىرۋ: مۇندا باسىم مىندەت - قالا تۇرعىندارى مەن قالا ءۇشىن قاجەت باستامالاردىڭ باسىندا بولاتىن قوعامنىڭ ەڭ بەلسەندى جانە بەدەلدى مۇشەلەرىن بىرىكتىرۋ. بۇل اشىق پارتياىشىلىك سايلاۋ - «پرايمەريز» ماڭىزدى مىندەتتەردى ورىنداۋعا سەرپىن بەرەدى. نۇرسۇلتان ءابىش ۇلى اتاپ وتكەندەي، پرايمەريز - ءار تۇرعىنعا ءوز ۇلەسىن قوسۋعا، قالا مەن ەلدىڭ دامۋىنا ءوزىنىڭ كوزقاراسىن بىلدىرۋگە مۇمكىندىك بەرەتىن الەۋمەتتىك ليفت. 17 تامىزدا باستالىپ، 2020 -جىلدىڭ 3 قازانىندا اياقتالاتىن پرايمەريز بارىسىندا قازاقستان رەسپۋبليكاسى پارلامەنتى ماجىلىسىنە نەمەسە ءماسليحاتتارعا الداعى سايلاۋعا پارتيالىق تىزىمدەر جاسالادى. ەلىمىزدىڭ بارلىق ايماقتارىنداعى پارتيا مۇشەلەرى قوعامنىڭ جوعارى سەنىمى مەن قولداۋى بار ەڭ بەدەلدى پارتيا جەتەكشىلەرىن دەربەس انىقتايدى»، - دەدى ەلوردا اكىمى التاي كولگىنوۆ.
جالپى، ەلوردادا پرايمەريزگە 42 مىڭنان استام پارتيا مۇشەلەرى داۋىس بەرەدى. داۋىس بەرۋ 1-2- قازان كۇندەرى ونلاين رەجيمدە وتەدى. بەلگىلى ءبىر سەبەپتەرمەن عالامتوردا داۋىس بەرە المايتىن پارتيا مۇشەلەرى ءۇشىن 3- قازان كۇنى 39 سايلاۋ ۋچاسكەلەرى اشىلادى. ولاردىڭ ءارقايسىسى بەينەباقىلاۋ جۇيەسىمەن، كومپيۋتەرلىك تەحنيكامەن جانە سايلاۋدىڭ اشىقتىعىن قامتاماسىز ەتەتىن باسقا دا اتريبۋتتارمەن جابدىقتالادى.
