الماتىدا الاياقتار ساتۋشىلاردى الداۋدىڭ ەرەكشە امالىن ويلاپ تاپتى

Polisia.kz- ءتىڭ مالىمەتىنشە، ءۇش ەر ادام شاعىن دۇكەندەردىڭ ساتۋشىلارىن جالعان ەلەكتروندى اۋدارىمداردىڭ تۇبىرتەكتەرىن جاساپ، الداعان.

«ەر ادامدار ساتىپ الۋ كەزىندە اقشا اۋدارۋ ارقىلى الداۋدىڭ جاڭا سحەماسىن جاسادى دەپ ايتۋعا بولادى. ولار قولايلى ازىق- تۇلىك دۇكەندەرىن تاۋىپ، وندا ەڭ از دەگەندە 100 دەن 200 تەڭگەگە دەيىن ساتىپ الدى. وسىلايشا، ولار ساتۋشىنىڭ نەمەسە دۇكەن يەسىنىڭ كارتاداعى شوتى تۋرالى دەربەس دەرەكتەردى الىپ، سودان كەيىن فوتومونتاج باعدارلاماسىنىڭ كومەگىمەن اقشالاي قاراجاتتى ءىرى سومانى اۋدارۋ تۋرالى ەلەكتروندىق تۇبىرتەكتەردىڭ سكرينشوتتارىن الدىن الا دايىندادى»، - دەدى ناۋرىزباي اۋداندىق پوليتسيا باسقارماسىنىڭ باستىعى ديدار احانوۆ.

ونىڭ ايتۋىنشا، ءبىر جاعدايدا ەر ادامدار جالپى سوماسى 170 مىڭ تەڭگەگە تەمەكى ساتىپ العان. ساتۋشىعا ەلەكتروندى اقشا اۋدارىمى ارقىلى تولەم جاساعىسى كەلەتىندەرىن ايتقان. شىن مانىندە، ولار «بويالعان» تۇبىرتەكتى دايىنداپ قويعان، ونى ەسەپتەۋ كەزىندە ساتۋشىعا كورسەتكەن.

تۇبىرتەكتە ەر ادامدار فوتوشوپتىڭ كومەگىمەن قاجەتتى سومانى تولتىرعان. تەرگەۋ بارىسىندا ۇستالعانداردىڭ وسىنداي 30 قىلمىسقا قاتىسى بار ەكەنى انىقتالدى. ق ك- ءنىڭ 190-بابى «الاياقتىق» بويىنشا سوتقا دەيىنگى تەرگەۋ جۇرگىزىلۋدە.