قىتاي كوروناۆيرۋسقا قارسى ۆاكسينانى جىل اياعىندا شىعارماق

قىتاي ۇلتتىق فارماتسيەۆتيكالىق كورپوراتسياسى جاساعان كوروناۆيرۋسقا قارسى ۆاكسينا كلينيكالىق زەرتتەۋلەردىڭ ءۇشىنشى كەزەڭىنە ءوتتى.

وسى ەلدەگى ساراپشىلاردىڭ پايىمداۋىنشا، ۆاكسينانى تىركەۋ پروتسەسى اياقتالعاننان كەيىن، 2020 - جىلدىڭ جەلتوقسان ايىندا وندىرىسكە شىعارىلادى دەپ كۇتىلۋدە. قىتاي ۇلتتىق فارماتسيەۆتيكالىق كورپوراتسياسىنىڭ قۇرامىنا كىرەتىن ەكى عىلىمي- زەرتتەۋ ينستيتۋتى (بەيجىڭ مەن ۋحاندا ورنالاسقان) ءبىر مەزگىلدە كوروناۆيرۋسقا قارسى ۆاكسينا بويىنشا عىلىمي- زەرتتەۋ جۇمىستارىن جۇرگىزگەنىن اتاپ وتكەن ءجون.

ۆاكسينالار ءوندىرىسىن دە وسى ەكى ينستيتۋت جۇزەگە اسىرادى. بەيجىڭدەگى عىلىمي- زەرتتەۋ ينستيتۋتى جىلىنا 120 ميلليون ۆاكسينا شىعارا الادى، ال ۋحانداعى ينستيتۋتى جىلىنا 100 ميلليون ۆاكسينا شىعارۋعا قاۋقارلى. قىتايلىق ماماندار ۆاكسينانىڭ باعاسى 1000 يۋاننان（شامامەن 60000 تەڭگە) اسپايدى دەپ وتىر.

اۆتور: مۇحتار مۇرات