قازاقستاندىقتار بالىقتى از تۇتىنادى - مينيستر

«قازاقستان بالىقتى از تۇتىنادى. دۇنيەجۇزىلىك دەنساۋلىق ساقتاۋ ۇيىمى ادام باسىنا شاققاندا جىلىنا 16 كەلىدەن كەم ەمەس بالىق تۇتىنۋدى ۇسىنسا، قازاقستاندا بۇل كورسەتكىش ءبىر ادامعا 4 كەلىدەن كەلەدى. ءوز كەزەگىندە، كورشىلەس رەسەيدە ادام باسىنا 23 كەلى، قىتايدا 45 كەلى بالىق تۇتىنىلادى. وسىلايشا، شەكارا ماڭىنداعى اۋدانداردى ەسكەرگەندە، بالىق ونىمدەرىنىڭ ەكسپورتتىق الەۋەتى 3 ميلليون توننادان اسىپ ءتۇسۋى مۇمكىن»، - دەيدى ماعزۇم مىرزاعاليەۆ.

سونداي-اق ونىڭ ايتۋىنشا، بۇگىنگى تاڭدا قازاقستاندا 1 مىڭنان استام بالىق شارۋاشىلىعى سۋبەكتىسى جۇمىس ىستەيدى.

«ولارعا 1646 بالىق شارۋاشىلىعى سۋ قويماسى جانە ولاردىڭ ۋچاسكەلەرى بەكىتىلگەن. سالادا 11 مىڭنان استام ادام جۇمىس ىستەيدى. 2019-جىلى 45 مىڭ توننا بالىق اۋلانعان. نەگىزگى بالىق اۋلاۋ اتىراۋ، الماتى، شىعىس قازاقستان جانە قىزىلوردا وبلىستارىندا ىسكە اسىرىلادى»، - دەدى مينيستر.