پرەمەر-مينيستر حالىقتى جۇمىسپەن قامتۋ بويىنشا ءبىرقاتار تاپسىرما جۇكتەدى

«جالپى، ءتورت وڭىردە جۇمىسپەن قامتۋدى قولداۋ شارالارىن ىسكە اسىرۋدىڭ سەرپىنى وڭ ەكەنىن اتاپ ءوتۋ قاجەت. بۇل تۇرعىدا شىمكەنت قالاسىندا، جامبىل، سولتۇستىك قازاقستان جانە شىعىس قازاقستان وبلىستارى بار. ەڭ تومەنگى كورسەتكىشتەر - باتىس قازاقستان وبلىسىندا»، - دەدى ۇكىمەت باسشىسى.

ونىڭ سوزىنە قاراعاندا، باتىس قازاقستان وبلىسىندا ميكروكرەديت بەرۋ - 28,6 پايىز، جاستار تاجىريبەسى - 37,7 پايىز، جوبالارعا بولىنگەن قارجىنى يگەرۋ - 58,9 پايىز جانە تۇراقتى جۇمىس ورىندارىن قۇرۋ 25,8 پايىز دەڭگەيىندە.

«جىل سوڭىنا دەيىن ءتورت اي عانا قالدى. اكىمدىكتەر باعدارلامالاردى ىسكە اسىرۋ جۇمىستارىن جانداندىرۋى قاجەت. قازىرگى جاعدايدا ءبىرىنشى كەزەكتەگى مىندەت - بۇل ازاماتتاردى جۇمىسپەن قامتاماسىز ەتۋ. قاجەتتى رەسۋرستار بولىنگەن، بارلىق قۇرالدار بار. سوندىقتان ەڭبەك نارىعىندا تۇراقتىلىقتى قامتاماسىز ەتۋمىز كەرەك»، - دەدى ا. مامين.

پرەمەر-مينيستر ەڭبەك مينيسترلىگىنە بارلىق مۇددەلى مەملەكەتتىك ورگاندارمەن جانە اكىمدىكتەرمەن بىرلەسىپ، قاراجاتتىڭ تورلىق يگەرىلۋىن ءارى مەملەكەتتىك باعدارلامالاردا قاراستىرىلعان ءىس- شارالاردى جۇزەگە اسىرۋدى قامتاماسىز ەتۋدى تاپسىردى. سونىمەن قاتار، ەلەكتروندىق ەڭبەك بيرجاسىنىڭ بيزنەس-پروتسەستەرىن وڭتايلاندىرۋ، جۇمىسپەن قامتۋ شارالارىن دامىتۋ جونىندەگى قادامداردى قابىلداۋدى جۇكتەدى.

«جۇمىسپەن قامتۋدىڭ جوسپارلانعان ينديكاتورلارىنا قول جەتكىزىپ، تۇراقتى جۇمىس ورىندارىن قۇرۋعا ەرەكشە نازار اۋدارۋ قاجەت. ۇلتتىق ەكونوميكا، اۋىل شارۋاشىلىعى مينيسترلىكتەرى «اتامەكەن» ۇ ك پ جانە اكىمدىكتەرمەن بىرلەسىپ، بيزنەس باستامالاردى دامىتۋ ءارى قولداۋ بويىنشا جۇمىستى قارقىندى تۇردە جۇرگىزسىن»، - دەدى اسقار مامين.

بۇدان بۇرىن حابارلانعانداي، جىلدىڭ سوڭىنا دەيىن 1 ميلليون 220 ادامعا ەڭبەكپەن قامتۋ بويىنشا قولداۋ كورسەتىلەتىن بولادى.