الەمدەگى احۋال: چەحيا ماسكا تاعۋدى قايتا مىندەتتەدى، يسپانيا جاڭا شەكتەۋلەر ەنگىزدى

عالىمدار ۆيرۋس شتاممىنىڭ جۇقپالى ەكەنىنە داۋلاسۋدا. يتاليادا تۇنگى كلۋبتار جابىلدى. بۇل تۋرالى قازاقپارات BBC اگەنتتىگىنە سىلتەمە جاساپ حابارلايدى.

وڭتۇستىك كورەيا شىركەۋىندە ىندەتتىڭ ءورشۋى

وڭتۇستىك كورەياداعى شىركەۋلەردىڭ بىرىندە 300 دەن استام قىزمەتكەر كوروناۆيرۋس جۇقتىرعان.

ەل بيلىگى «سارانگ دجەيل» پروتەستانتتىق شىركەۋىنىڭ پاستورى چۋن كۆان حۋنعا جاۋاپسىزدىعىن جانە كارانتيندىك شەكتەۋلەرگە باعىنباعانىن ايىپتادى.

سەنبى كۇنى ول ادامداردى ۇكىمەتكە قارسى دەمونستراتسياعا قاتىسۋعا شاقىرعان. ەندى، نارازىلىققا قاتىسۋشىلاردىڭ بارلىعىنا ءوزىن-ءوزى وقشاۋلاۋ بۇيىرىلعان.

اعىلشىن پوليتسياسى ۇيلەنۋ تويلارىن توقتاتتى

جەكسەنبىدە انگليانىڭ سولتۇستىگىندە پوليتسيا ادامداردىڭ توپتاسۋىنا بايلانىستى شەكتەۋدى بۇزعانى ءۇشىن ەكى ۇيلەنۋ تويىن توقتاتۋعا ءماجبۇر بولدى.

لانكاشير وكرۋگىندەگى بلەكبەرن قالاسىندا ۇيلەنۋ تويىنا 100 دەن استام قوناق جينالعان. ال مانچەستەردە تويعا 50 دەن استام ادام كەلگەن. كوروناۆيرۋستىڭ ورشۋىنە بايلانىستى ەكى قالادا دا كارانتيندىك شەكتەۋلەر ەنگىزىلگەن.

ونىڭ ىشىندە بىرگە تۇرمايتىن ادامداردىڭ جينالۋىنا تىيىم سالىنعان. قاتاڭ كارانتيندىك شارالارى جوق انگليانىڭ اۋداندارىندا ۇيلەنۋ تويىنداعى قوناقتاردىڭ سانى 30 ادامنان اسپاۋى كەرەك.

عالىمدار D614G شتاممىنىڭ جۇقپالى ەكەنىنە داۋلاسۋدا

مالايزيا دەنساۋلىق ساقتاۋ مينيسترلىگى عالىمدار كوروناۆيرۋستىڭ D614G جاڭا مۋتاتسياسىن انىقتادى. بۇل، ۆيرۋستىڭ باستاپقى شتاممىنا قاراعاندا 10 ەسە كوپ جۇقپالى ەكەنىنە سەنىمدى.

الايدا، جۇقپالى اۋرۋلار جونىندەگى ساراپشىلار بۇل سان ەشقانداي دەرەكتەرمەن بەكىتىلمەگەنىن ايتادى.

D614G مۋتاتسياسى ۋحاندا العاشقى كوروناۆيرۋس ىندەتىنەن كەيىن كوپ ۇزاماي پايدا بولدى. قازىر ول الەمدەگى Covid-19-عا وڭ سىنامالاردىڭ %97 ىندا بار. شىلدەدە BBC اگەنتتىگى ۆيرۋسولوگتارعا سىلتەمە جاساي وتىرىپ، بۇل مۋتاتسيانىڭ باسقا شتاممدارعا قاراعاندا جۇقپالىلىعى جوعارى ەكەندىگىنە جەتكىلىكتى دالەل جوقتىعىن حابارلادى.

چەحيادا ماسكا تاعۋ قايتا مىندەتتەلدى

چەحيادا 1- قىركۇيەكتەن باستاپ كولىكتە جانە قوعامدىق ورىنداردا ماسكا تاعۋ مىندەتتەلدى. بۇل ەلدەگى كوروناۆيرۋس جۇقتىرۋدىڭ جاڭا جاعدايلارىنىڭ وسۋىنە بايلانىستى ەنگىزىلدى.

چەحيا ناۋرىز ايىندا ەۋروپاداعى العاشقى ەلدەردىڭ ءبىرى بولىپ ەل تۇرعىندارىنا قوعامدىق ورىنداردا ماسكا تاعۋدى بۇيىرعان بۇلاتىن. ءبىراق جاعداي جاقسارعاننان كەيىن بۇل ەرەجە بىرتىندەپ جۇمسارا باستادى.

جاپونيا ەكونوميكاسىنىڭ رەكوردتىق قۇلدىراۋى

جاپون ەكونوميكاسى 2020-جىلدىڭ ەكىنشى توقسانىندا قازىرگى تاريحىندا ەڭ ۇلكەن رەكوردتىق قۇلدىراۋدى باستان وتكەردى. ءساۋىر-ماۋسىم ايلارىندا ونىڭ ج ءى ءو الدىڭعى ءۇش ايمەن سالىستىرعاندا %7,8 تومەندەدى.

جىلدىق ەسەپپەن العاندا بۇل - %27,8. تاۋارلار ەكسپورتى تومەندەدى، شەتەلدىك تۋريستەر اعىنى توقتادى.

يسپانياداعى جاڭا شەكتەۋلەر

يسپانيانىڭ تاعى ءتورت ايماعى اندالۋسيا، گاليسيا، كانتابريا، كاستيليا جانە لەون كوروناۆيرۋستىڭ جەرگىلىكتى جەردە ورشۋىنە بايلانىستى شەكتەۋ شارالارىن ەنگىزدى. لا ريوحا مەن مۋرسيادا جەكسەنبىدەن باستاپ كارانتين ەنگىزىلدى. تۇنگى كلۋبتار جانە مەيرامحانالار تۇنگى ۋاقىتتا جابىلادى.

الەۋمەتتىك قاشىقتىقتى ساقتاۋ مۇمكىن بولماعان جاعدايدا كوشەدە قوعامدىق ورىنداردا تەمەكى شەگۋگە تىيىم سالىنادى. يسپانيانىڭ سولتۇستىگىندەگى باسكتار ەلى دەنساۋلىق ساقتاۋ سالاسىنداعى توتەنشە جاعدايدى جاريالاماق.

دجونس حوپكينس ۋنيۆەرسيتەتىنىڭ مالىمەتى بويىنشا، يسپانيادا پاندەميا باستالعالى بەرى اۋرۋ جۇقتىرۋدىڭ 342,8 مىڭنان استام جاعدايى انىقتالدى، 28,6 مىڭنان استامى ىندەتتەن قايتىس بولدى.

تەننيسشىلەر US Open تۋرنيرىنە بارمايدى

ايەلدەر اراسىنداعى الەمنىڭ ەكىنشى راكەتكاسى، رۋمىنيالىق تەننيسشى سيمونا حالەپ 31- تامىزدا نيۋ-يوركتە باستالاتىن ا ق ش- تىڭ اشىق تەننيس چەمپيوناتىنا بارمايتىنىن ايتتى. حالەپتەن باسقا، USA Today جازعانداي، رافاەل نادال، بيانكا اندرەەسكۋ، ەشلي بارتي، نيك كيريوس، ۆان تسيان، ستەن ۆاۆرينكا، ەلينا سۆيتولينا جانە كيكي بەرتەنس جارىستارعا قاتىسۋدان باس تارتتى.

وزگە ەلدەردەگى جاعداي

پەرۋدە تاۋلىكتىك كوروناۆيرۋس جۇقتىرۋدىڭ جاڭا جاعدايلارىنىڭ رەكوردتىق سانى تىركەلدى - 10,1 مىڭنان استام. ەلدە پاندەميا باستالعالى بەرى، رەسمي ستاتيستيكاعا سايكەس، 525 مىڭنان استام ادام Covid-19-عا شالدىققان.

بوليۆيادا ىندەتكە شالدىعۋ جاعدايلارىنىڭ سانى 100 مىڭنان استى. ۇلى بريتانياعا فرانسيا، نيدەرلاند، موناكو، مالتا، تەركس جانە كايكوس ارالدارى مەن ارۋبادان كەلگەندەر وسى ەلدەردە كوروناۆيرۋستىڭ ورشۋىنە بايلانىستى ەكى اپتا بويى وقشاۋلانۋى كەرەك.

يتاليادا ىندەتكە شالدىعۋدىڭ جاڭا جاعدايلارىنىڭ كوبەيۋىنە بايلانىستى تۇنگى كلۋبتار ءۇش اپتاعا جابىلدى. ەلدىڭ كەيبىر اۋداندارىندا ساعات 18:00 دەن تاڭعى التىعا دەيىن ماسكا تاعۋ مىندەتتەلدى.

جاڭا زەلانديا كوروناۆيرۋس ينفەكتسياسىنىڭ جاڭا وقيعالارى انىقتالعاننان كەيىن پارلامەنتتىك سايلاۋدى كەيىنگە قالدىرۋ تۋرالى شەشىم قابىلدادى. پرەمەر- مينيستر دجاسيندا اردەرن 19- قىركۇيەكتە ءوتۋى ءتيىس بولعان سايلاۋ 17- قازانعا اۋىستىرىلعانىن حابارلادى.

بۇعان دەيىن بيلىك ەلدىڭ ەڭ ۇلكەن قالاسى وكلەندتە كارانتيندىك شەكتەۋلەر ەنگىزگەن بولاتىن.

القىتاي ءبىر ايدا ءبىرىنشى رەت ەلدە كوروناۆيرۋس ينفەكتسياسىنىڭ جاڭا دەرەكتەرى تىركەلمەگەنىن حابارلادى. ەلدە ينفەكتسيانىڭ نولدىك كورسەتكىشى سوڭعى رەت 14- شىلدەدە بولعان.