عالىمدار كوروناۆيرۋستى رەنتگەن ساۋلەسىمەن ەمدەۋدى ۇسىندى

كاناداداعى دجەك ادي ونكولوگيالىق ورتالىعىنىڭ مەديتسينالىق فيزيكا كافەدراسىنىڭ ماماندارى رەنتگەن ساۋلەلەرىنىڭ از دوزالارى كوروناۆيرۋستىڭ اسقىنۋىنان تۋىندايتىن جۇرەك يشەميالىق اۋرۋىنىڭ الدىن الۋعا كومەكتەسەدى دەيدى.

« ⅩⅩعاسىردىڭ باسىندا رەنتگەن ساۋلەلەرى جالپىعا ورتاق تاجىريبە بولدى»، - دەيدى زەرتتەۋ اۆتورلارى.

ماقالادا عىلىمي زەرتتەۋلەر رادياتسيانىڭ از دوزالارى قابىنۋعا قارسى ءتيىمدى ەكەنىن كورسەتكەن. مامانداردىڭ پىكىرىنشە، ساۋلە تەراپياسىن قولدانۋ كوروناۆيرۋس ءولىم- ءجىتىمىن تومەندەتۋى مۇمكىن.

ا ق ش- تاعى ەموري ۋنيۆەرسيتەتىنىڭ ونكولوگيالىق زەرتتەۋ ينستيتۋتىنىڭ عىلىمي توبى COVID-19 جانە پنيەۆمونيامەن اۋىراتىن ناۋقاستارعا رەنتگەن ساۋلەسىن سىناقتان وتكىزدى. زەرتتەۋ بارىسىندا 10 ناۋقاستىڭ وكپەسى ساۋلەلەندىرىلگەن. تاعى 10 ناۋقاس تەراپياسىز ەمدەلگەن. ناتيجەسىندە، ساۋلەلەندىرىلگەن ناۋقاستار 3 كۇندە ايىققان، ال قالىپتى تۇردە ەمدەلۋشىلەر 12 كۇندە ساۋىققان. اۆتورلار ساۋلە تەراپياسى پاتسيەنتتەرگە ۋلى ەمەس ەكەنىن ايتادى.

رەسەيدىڭ ن. ن. بلوحين ونكولوگيالىق عىلىمي- زەرتتەۋ ورتالىعىنىڭ اعا عىلىمي قىزمەتكەرى يرينا لەبەدەنكو كوروناۆيرۋسقا ارنالعان رادياتسيالىق تەراپيا ءتيىستى دارەجەدە زەرتتەلمەگەنىن ايتتى. ول ءتىپتى رادياتسيانىڭ از دوزالارى قاتەرلى ىسىك اۋرۋىن تۋدىرۋى مۇمكىن ەكەنىن ەسكەرتىپ، ينفەكتسيامەن كۇرەسۋدىڭ باسقا قاۋىپسىز جولدارىن ۇسىندى.

massaget.kz