ايدا بالايەۆا مەكتەپ باعدارلاماسىنا ەكولوگيا ءپانىن ەنگىزۋگە قاتىستى ءبىرقاتار ۇسىنىس ايتتى
ق ر اقپارات جانە قوعامدىق دامۋ ءمينيسترى ايدا بالايەۆا مينيسترلىك جاقىندا «ەكولوگيالىق ساۋاتتىلىق» تاقىرىبىندا ءىرى ەكولوگ، بىلىكتى ساراپشىلاردىڭ قاتىسۋىمەن دوڭگەلەك ۇستەل وتكىزگەنىن، سول كەزدە ماماندار تاراپىنان ايتىلعان ۇسىنىستاردى ءبىلىم جانە عىلىم مينيسترلىگىندەگى ارىپتەستەرىنە ايتتى.
«بىرىنشىدەن، ەكولوگيا ءپانىن تولقىندى ساباق رەتىندە مەكتەپ باعدارلاماسىندا بىردەن ەنگىزۋگە اسىقپاعان ءجون، سەبەبى بالا قورشاعان ورتا تۋرالى كۇردەلى عىلىمدى ساناسىنا سىڭىرۋگە دايىن بولۋ شارت. الدىمەن فاكۋلتاتيۆتىك ۇيىرمە سانىن كوبەيتىپ، وسى ارقىلى نەگىزىن دايىنداۋ دۇرىس. ەكىنشىدەن، ەكولوگيالىق ءبىلىم بەرۋ جۇيەسىن ۇزدىكسىز ەتۋ كەرەك. ياعني ورتا جوعارى جانە ارنايى ءبىلىم دەڭگەيىندە ءبىرىڭعاي، ءارى ساباقتاس ەكولوگيالىق ءىلىم نەگىزدەرى قالىپتاسۋى قاجەت. ۇشىنشىدەن، جوعارى وقۋ ورىندارىنداعى ەكولوگيا ءپانى بويىنشا باعدارلامالاردى رەتكە كەلتىرۋ كەرەك. ءقازىر ءار جوعارى وقۋ ورنىنىڭ ءوز ءبىلىمى وزىندە، ەشقانداي كەشەندى جالپىعا ورتاق باعدارلاما جوق. ال مەكتەپتەگى بالالارىمىزعا ەكولوگيالىق ءبىلىم بەرەتىن قازىرگى ستۋدەنتتەر دەسەك، بۇل ماسەلەنىى ماڭىزدى ەكەنى ايتپاسا دا تۇسىنىكتى»، - دەپ اتاپ ءوتتى ايدا بالايەۆا.
ونىڭ ايتۋىنشا، ق ر اقپارات جانە قوعامدىق دامۋ مينيسترلىگى كەز كەلگەن فورماتتا بىرلەسە جۇمىس ىستەۋگە دايىن.
«ءسوزىمدى «كىشكەنتاي حانزادا« تۋىندىسىنان ءۇزىندى كەلتىرۋ ارقىلى اياقتاعىم كەلەدى. «تاڭەرتەڭ تۇردىڭ. جۋىندىڭ. ءوزىڭدى رەتكە كەلتىرگەننەن كەيىن ءوز الەمىڭدى رەتكە كەلتىرۋگە كىرىس». بارىڭىزگە جەمىستى ەڭبەك تىلەيمىن»، - دەدى ول.
