باعدات قوجاحمەتوۆ كاۆاساكي سيندرومىنا قاتىستى احۋالدى ايتتى

بۇل اقپاراتتى ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ راستادى، دەپ حابارلايدى قازاقپارات ءتىلشىسى.

ەلوردادا اۋرۋحاناعا وكپە قابىنۋىمەن تۇسەتىن ناۋقاستار سانى 7 ەسە ازايدى

«وتكەن اپتادا قازاقستاندا كاۆاساكي سيندرومىمەن اۋىرعان 3 بالانىڭ تىركەلگەنىن ايتقان بولاتىنمىن. قازىرگى ۋاقىتتا كاۆاساكي سيندرومىمەن جانە سوعان ۇقساس سيندروممەن 11 بالا تىركەلدى. ءبىراق، ايتا كەتەرلىگى، كلينيكالىق بەلگىلەرى بويىنشا بۇل ىندەت كاۆاساكي سيندرومىنا ۇقساس. 5 جاسقا تولماعان بالالاردا وتە سيرەك كەزدەسەدى. قازاقستان بويىنشا تىركەلگەن 11 بالانىڭ ۇشەۋى نۇر- سۇلتان قالاسىندا امان- ەسەن ەمدەلىپ شىقتى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ ايتۋىنشا، قالعان بالالار اقتوبە، قاراعاندى، الماتى قالالارىندا تۇرادى. بالالاردىڭ ەكەۋى 1 مەن 5 جاس ارالىعىندا بولسا، قالعان 9 بالا 5-تەن 17 جاستىڭ ارالىعىندا.

«ياعني، 9 بالا كاۆاساكي سيندرومىنا ناقتى كەلمەيدى. ولار سوعان ۇقساس اۋرۋ دەپ ەسەپتەلىنەدى»، - دەدى باعدات قوجاحمەتوۆ.