قازاقستان شەكاراسى ماڭىندا بۋبون وباسىنىڭ قوزدىرعىشى تابىلعانى راس – ق ر د س م
نۇر- سۇلتان. قازاقپارات - قازاقستان شەكاراسى ماڭىندا بۋبون وباسىنىڭ قوزدىرعىشى تابىلدى. بۇل اقپاراتتى ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ راستادى، دەپ حابارلايدى قازاقپارات ءتىلشىسى.
ورتالىق كوممۋنيكاتسيالار قىزمەتىندەگى بريفينگ بارىسىندا جۋرناليستەر رەسمي وكىلدەن:
«قازاقستان شەكاراسى ماڭىندا بۋبون وباسىنىڭ قوزدىرعىشى تابىلدى دەگەن اقپارات قانشالىقتى راس؟ اتالعان اۋرۋمەن ەل اۋماعىندا تىركەلگەن ناۋقاستار بار ما؟»، - دەپ سۇراعان ەدى.
ءوز كەزەگىندە باعدات قوجاحمەتوۆ بۇل اقپاراتتىڭ راستالعانىن اتاپ ءوتتى.
«بۇل موڭعوليادا، اسىرەسە ر ف- نىڭ التاي ولكەسىندە تابيعي بۋبوندىق وبانى تاسىمالدايتىن جانۋارلار مەكەندەيتىن جەرلەردە جىل سايىن تىركەلەدى. قازاقستاندا بۋبون وباسىمەن اۋىردى نەمەسە جۇقتىردى دەگەن دەرەك جوق. نەگە دەسەڭىزدەر، شەكارادا توسقاۋىل قويىلعان. سانيتارلىق- ەپيدەميولوگيالىق جۇمىستار جۇرگىزىلۋدە»، - دەپ جاۋاپ بەردى ول.
اۆتور: مارلان جيەمباي
