پەنتاگون بەلگىسىز ۇشاتىن نىسانداردى زەرتتەيتىن توپ قۇرادى

پەنتاگون بۇل ءۇشىن ارنايى توپ قۇرادى. بۇل تۋرالى CNN پەنتاگونداعى دەرەككوزدەرگە سىلتەمە جاساپ حابارلادى.

بۇل توپ ا ق ش اسكەري ۇشقىشتارى بايقاعان بەلگىسىز ۇشاتىن نىسانداردى (ب ۇ ن) زەرتتەيدى. جوبانى قورعانىس ءمينيسترىنىڭ ءبىرىنشى ورىنباسارى دەۆيد نوركۆيست باسقارادى.

پەنتاگون بۇل مالىمەتكە ءالى تۇسىنىك بەرگەن جوق.

ا ق ش كونگرەسى شىلدە ايىندا ب ۇ ن- عا تۋرالى الاڭداۋشىلىق بىلدىرگەن. ا ق ش ۇكىمەتى ب ۇ ن- دى ادام قولىمەن جاسالىنعان جانە ونى الەۋەتتى قارسىلاستار بارلاۋ ءۇشىن قولداناتىنىن ايتقان.

ماۋسىم ايىندا ا ق ش پرەزيدەنتى دونالد ترامپ بۇن جانە روزۋەلل وقيعاسى دەپ اتالاتىن 1947-جىلعى 4- شىلدەدەگى وقيعا ماتەريالدارىنان قۇپيالىق ءمورىن الىپ تاستاۋ تۋرالى ماسەلەنى قاراستىراتىنىن ايتقان. 1947-جىلى ا ق ش اسكەري-اۋە كۇشتەرى قولدانعان «موگۋل» دەپ اتالاتىن جاسىرىن جوبا اياسىندا نيۋ-مەكسيكوداعى روزۋەلل قالاشىعىنا اۋە شارى قۇلاعان.

ول بۇرىنعى وداق جۇرگىزگەن يادرولىق سىناقتاردان شىعاتىن دىبىستىق تولقىنداردى جازۋ ءۇشىن پايدالانىلعان ەدى. بۇل وقيعانى ب ا ق وكىلدەرى ب ۇ ن دەگەسىن، ەل اراسىندا ءتۇرلى قاۋەسەتتەر تارالعان.

ايتا كەتەيىك، 1947-جىلدىڭ ماۋسىمىندا روزۋەلل قالاشىعىنىڭ اتى بۇكىل الەمگە بەلگىلى بولدى. قالاشىقتىڭ ماڭىنداعى ماك برەيزەلدىڭ فەرماسىنا بەيمالىم (ب ۇ ن) ۇشاتىن نىسان قۇلادى. سول كەزدە-اق مەملەكەتتىڭ قاۋىپسىزدىك قىزمەتى بەلگىسىز نىساندى الىپ كەتكەن. وتىز جىل بويى بۇل وقيعا تۋرالى ايتۋعا تىيىم سالىندى.

ءساۋىر ايىنىڭ سوڭىندا پەنتاگون ا ق ش اسكەري-تەڭىز كۇشتەرىنىڭ ب ۇ ن- عا قاتىستى بەينەلەر جاريالادى. اگەنتتىكتىڭ مالىمەتىنشە، ءۇش ۆيدەونىڭ ءبىرى 2004-جىلدىڭ قاراشاسىندا، ال ەكەۋى 2015-جىلدىڭ قاڭتارىندا تۇسىرىلگەن. 2007 جانە 2017-جىلدارى ولاردىڭ بارلىعى جەلىگە پەنتاگوننىڭ رۇقساتىنسىز جاريالانعان.

ا ق ش قورعانىس ىستەرى دەپارتامەنتى بۇل ۆيدەولاردىڭ اسكەري-تەڭىز كۇشتەرىندە تۇسىرىلگەنىن راستادى جانە ءتۇرلى قاۋەسەتتەردىڭ تارالۋىن بولدىرماس ءۇشىن بەينەلەردى جاريالاعان.

massaget.kz