د د س ۇ ءبىر تاۋلىكتە كوروناۆيرۋستىڭ جۇقتىرۋعا قاتىستى رەكوردتى تىركەدى
نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى سوڭعى 24 ساعاتتا 300 مىڭعا جۋىق كوروناۆيرۋس جۇقتىرۋ دەرەگىن تىركەدى.
بۇل پاندەميا باستالعاننان بەرگى ءبىر تاۋلىك بويىنشا رەكورد كورسەتكىش، دەپ حابارلايدى قازاقپارات dw.com-كە سىلتەمە جاساپ.
د د س ۇ رەكورد كورسەتكىش تۋرالى 15- تامىزدا سەنبى كۇنى كەشكە ءمالىم ەتتى.
ساراپشىلاردىڭ مالىمەتى بويىنشا، ۆيرۋستىڭ جۇعۋىنا قاتىستى كورسەتكىشتىڭ كوپ بولىگى ستاتيستيكاعا ەنبەي قالادى. ويتكەنى ۆيرۋستى انىقتايتىن تەست جاسامايتىن مەملەكەتتەر دە بار.
د د س ۇ مالىمەتى بويىنشا، 24 ساعات ىشىندە 294 مىڭ ادام كوروناۆيرۋس جۇقتىرعان. بۇل 31- شىلدەدەگى الدىڭعى رەكوردتان 2 مىڭعا ارتىق.
جۇقتىرۋ دەرەگى كوپ تىركەلگەن ەلدەر قاتارىندا ا ق ش، برازيليا، ءۇندىستان بار. ىندەت باستالعاننان بەرى 21 ميلليوننان استام ادام كوروناۆيرۋس جۇقتىرعان. ىندەتتەن 755 مىڭنان استام ادام ولگەن.
