قازاقستاندىقتار پەرسەيد جۇلدىزدار اعىنىن تاماشالاي الادى
«2020-جىلى پەرسەيد جۇلدىز اعىنى 17- شىلدەدەن باستالىپ 26 -تامىزعا دەيىن جالعاسادى. ەڭ كوپ جۇلدىز جاۋاتىن مەزگىل 13 تامىز كۇنى تۇندە بولادى. بۇل ءتۇنى اعىپ جاتقان 110 مەتەوردى نەمەسە ءار مينۋت سايىن 1-2 مەتەوردى تاماشالاۋعا مۇمكىندىك بار»، - دەلىنگەن ماسكەۋ پلانەتاريا حابارلاماسىندا.
استرونومدار جۇلدىزداردىڭ قۇلاۋى - بۇل مەتەورلىق اعىن دەپ ەسەپتەيدى. ولار جەر اتموسفەراسىنا تۇسەتىن جانە وندا كۇيىپ كەتەتىن كومەتالاردىڭ بولشەكتەرى، مەتەورلار جول بويىندا جۇلدىزدار سەكىلدى جارقىرايدى. ونى جەردەن تاماشالاعاندا مەتەورلار قۇلايتىن ورتالىق پەرسەي شوقجۇلدىزىندا ورنالاسقانداي كورىنەدى. شىندىعىندا، مەتەورلىق اعىننىڭ بۇل شوقجۇلدىزعا ەشقانداي قاتىسى جوق. جۇلدىزدار جاۋاتىن مەزگىلدى تۇنگى ساعات 2-4 ارالىعىندا سولتۇستىك- شىعىس باعىتقا قاراپ تاماشالاۋعا بولادى.