امەريكالىق ريم وليمپياداسىنىڭ چەمپيونى ومىردەن وزدى

نۇر- سۇلتان. قازاقپارات - امەريكالىق ورتا سالماقتاعى بوكسشى، 1950 -جىلى ا ق ش قۇراماسىندا ونەر كورسەتكەن ۋيلبەرت ماككليۋر 82 جاسقا قاراعان شاعىندا قايتىس بولدى، دەپ حابارلايدى vringe.com.

ول 1960 -جىلى ريمدە وتكەن جازعى وليمپيادالىق ويىنداردىڭ چەمپيونى اتاندى، ال وعان دەيىن 1959 -جىلعى پانامەريكالىق ويىنداردا التىن ولجالاعان ەدى. ريم وليمپياداسىندا ماككليۋر جارتىلاي فينالدا سوۆەت بوكسشىسى بوريسا لاگۋتيندى، سونداي- اق التىنعا تالاسقان يتاليالىق كارمەلو بوسسيدى ءسۇرىندىردى. ءبىر قىزىعى، وليمپيادالىق قالاشىقتا ونىڭ كورشىسى كاسسيۋس كلەي بولعان.

ماككليۋر تۋعان جەرى وگايو شتاتىنداعى توليدو قالاسىندا ۋنيۆەرسيتەت ءبىتىرىپ، ادەبيەت جانە فيلوسوفيا سالاسىندا عىلىمي دارەجە الدى. سوڭىنان ۋەين ۋنيۆەرسيتەتىندە عىلىم دوكتورى بولدى. ال سپورتتىق كارەراسىن اياقتاعاننان كەيىن بوستونداعى سولتۇستىك شىعىس ۋنيۆەرسيتەتىندە پروفەسسور جانە ءوز فيرماسىن اشىپ، پسيحوتەراپيەۆت بولىپ جۇمىس ىستەدى.