ەسىموۆ پرەزيدەنتكە رەسەيمەن بىرلەسىپ كوروناۆيرۋسقا قارسى ۆاكسينا ءوندىرۋ جوسپارى جايىندا ايتتى
قازاقستان پرەزيدەنتى «سامۇرىق- قازىنا» ۇلتتىق ءال- اۋقات قورى» ا ق باسقارما ءتوراعاسى احمەتجان ەسىموۆتى قابىلدادى.
كەزدەسۋ بارىسىندا مەملەكەت باسشىسىنا «سامۇرىق- قازىنا» ۇلتتىق ءال- اۋقات قورىنىڭ» پاندەميامەن كۇرەس كەزىندەگى قىزمەتى جايىندا باياندالدى. «قور ءتوراعاسى پرەزيدەنتكە رەسەيمەن بىرلەسىپ قولعا الىنعان كوروناۆيرۋسقا قارسى ۆاكسينا ءوندىرۋ جوسپارى جايىندا ايتتى»، دەلىنگەن حابارلامادا.
كەزدەسۋ بارىسىندا مەملەكەت باسشىسىنا «سامۇرىق- قازىنا» ۇلتتىق ءال- اۋقات قورىنىڭ» پاندەميامەن كۇرەس كەزىندەگى قىزمەتى جايىندا باياندالدى. احمەتجان ەسىموۆ قاسىم- جومارت توقايەۆقا قوردىڭ بيىلعى ناۋرىز ايىندا دارىگەرلەرگە، پوليتسيا جانە الەۋمەتتىك سالا قىزمەتكەرلەرى ءۇشىن 6 ميلليون بەتپەردە الۋعا قارجى بولگەنىن ايتتى.
«سامۇرىق- قازىنا» قورىنىڭ باسقارما ءتوراعاسى پرەزيدەنتكە كومپانيانىڭ دەنساۋلىق ساقتاۋ مينيسترلىگىمەن بىرلەسە اتقارعان جۇمىستارى تۋرالى مالىمەت بەردى. بىرلەسكەن ءىس- ارەكەتتىڭ ناتيجەسىندە قور قارجىسىنا 100 جەدەل- جاردەم كولىگى، 1000 وتتەگى كونسەنتراتورى، 50 وكپەنى جاساندى جەلدەتۋ اپپاراتى، 1000 يپۋلستىك وكسيمەتر جانە 3000 ۆيرۋسقا قارسى «اۆيفارير» ءدارىسى ساتىپ الىنعان.
احمەتجان ەسىموۆ مەملەكەت باسشىسىنا ەلباسى نۇرسۇلتان نازاربايەۆتىڭ تاپسىرماسىنا سايكەس قوردىڭ نۇر- سۇلتان جانە الماتى قالالارىندا سالىناتىن جۇقپالى اۋرۋلاردىڭ الدىن الۋ جانە باقىلاۋ بويىنشا ەمحانالاردىڭ قۇرىلىسىنا قارجى بولىنەتىنىن جەتكىزدى. قور ءتوراعاسى پرەزيدەنتكە رەسەيمەن بىرلەسىپ قولعا الىنعان كوروناۆيرۋسقا قارسى ۆاكسينا ءوندىرۋ جوسپارى جايىندا ايتتى. كەزدەسۋدە «سامۇرىق- قازىنا» قورىنا قاراستى كومپانيالاردىڭ قازىرگى جاعدايى دا تالقىلاندى. احمەتجان ەسىموۆ بيىل ۇكىمەتكە 120 ميلليارد تەڭگە كولەمىندە ديۆيدەند تولەنەتىنىن، مۇنىڭ 2017 -جىلمەن سالىستىرعاندا ون ەسە كوپ ەكەنىن ايتتى. بۇعان دەيىن «سامۇرىق- قازىنا» ۇلتتىق قورعا 50 ميلليارد تەڭگە قارجىنى مەرزىمىنەن بۇرىن اۋدارعان بولاتىن.
