13:00, 05 - تامىز 2020 | GMT +5
جانۇياسىن قۇتقارماقشى بولعان ەر ادام سۋعا باتىپ كەتتى
كوكشەتاۋ. قازاقپارات - اقمولا وبلىسىندا جانۇياسىن قۇتقارماقشى بولعان ەر ادام سۋعا باتىپ كەتتى، دەپ حابارلايدى قازاقپارات ءتىلشىسى اۋماقتىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، قايعىلى جاعداي شورتاندى اۋدانىندا جابدىقتالماعان جاعاجايدا بولعان. «تامىزدىڭ 4 ىندە كەشكى ۋاقىتتا بوزايعىر كولىنىڭ ورتاسىندا ۇرلەمەلى ماتراستا ايەل مەن بالانىڭ بولعانى تۋرالى حابار ءتۇستى. قۇتقارۋشىلار بىردەن اتالعان كولگە بارىپ، ايەل مەن ونىڭ 2012 -جىلعى جيەنىن قۇتقاردى. قايعىلى جاعداي سۋعا شومىلۋعا ارنالماعان جەردە بولعان»، - دەيدى اقمولا وبلىستىق ت ج د باستىعىنىڭ مىندەتىن اتقارۋشى قانات دوسپايەۆ.
ت ج د قىزمەتكەرلەرى اتاپ وتكەندەي، وبلىس تۇرعىندارى شومىلۋعا قاۋىپتى، ارنايى جابدىقتالماعان جاعاجايلارعا بارۋىن توقتاتار ەمەس. قۇتقارۋشىلار جەرگىلىكتى پوليتسيا قىزمەتىمەن بىرلەسىپ رەيدتەر جۇرگىزۋدە. سوعان قاراماستان، سۋعا شومىلۋ كەزىندە قاۋىپسىزدىك شارالارى ساقتالمايدى.
