22:58, 03 - تامىز 2020 | GMT +6
ەلوردادا ەكى كوشەدە كولىك قوزعالىسى توقتاتىلادى
نۇر- سۇلتان. قازاقپارات - ەلوردادا 4-20 -تامىز ارالىعىندا اقان سەرى مەن №189 كوشەدە كولىك قوزعالىسى تولىعىمەن جابىلادى، دەپ حابارلايدى قازاقپارات قالا اكىمدىگىنە سىلتەمە جاساپ.
وسى كوشەلەردە جۇرەتىن كولىك جۇرگىزۋشىلەرى باعىتىن الدىن- الا جوسپارلاپ الۋى ءتيىس. قالالىق كولىك جانە جول- كولىك ينفراقۇرىلىمىن دامىتۋ باسقارماسىنىڭ مالىمەتىنشە، جول قۇرىلىسى جۇمىستارىنا بايلانىستى 4-20 -تامىز ارالىعىندا اقان سەرى (ورىنبور) جانە №189 (سەيفۋللين) كوشەلەرى تولىعىمەن جابىلادى.