مينيستر كارانتيننەن وڭ وزگەرىس بايقالسا قانداي جوسپارى بارىن ايتتى
بۇل تۋرالى ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«كارانتيندى سوزۋ تۋرالى شەشىم ناقتى تارازىلاناتىندىعىن ءتۇسىنۋ وتە ماڭىزدى. ءبىز ءۇشىن اۋرۋدىڭ ءوسىم ديناميكاسى نەمەسە ونىڭ تومەندەۋى ماڭىزدىراق بولىپ تۇر. ەكى اپتا بويى مالىمەتتەرگە كۇندەلىكتى مونيتورينگ جاساپ وتىرامىز. ەگەر اۋرۋدىڭ تۇراقتى تۇردە تومەندەگەندىگىن بايقايتىن بولساق، وندا كارانتين شارالارىن كەزەڭ- كەزەڭىمەن جەڭىلدەتۋ جوسپارىمىزدا بار. ال ەگەر كورسەتكىش ديناميكاسى ناشارلاپ كەتەتىن بولسا، وندا باسقا شەشىم قابىلدانادى. قازىرگى ۋاقىتتا كورسەتكىشتەردىڭ وڭ ديناميكاسى بايقالادى»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
الەكسەي سويدىڭ دەرەگىنشە، قازىرگى ۋاقىتتا ەلىمىزدە شامامەن 1980 توسەك-ورىن كۇتۋ رەجىمىنە كوشىرىلگەن نەمەسە بۇرىنعى كەستە بويىنشا جۇمىستارىن باستاعان.